Ləbije 23:38 - Maktub gə́ To gə Kəmee

³⁸ Néje gə́ seḭ a reeje ne korèje ne dɔ yee gə́ ndɔ-kwa-rɔje’g lə Njesigənea̰ ɓa nee: seḭ a karje Njesigənea̰ nékarje lə sí kəm sí gə́ kédé-kédé ləm, nékinjanéməsje lə sí lai mba tɔl ne ta ndukun lə sí ləma, gə nékarje lə sí lai gə́ seḭ ḭje ne gə meḛ sí arje ləm tɔ.

Ləbije 23:38 Iomraidhean Croise

2 Sôrta Gḭka Israɛlje 31:14

Koré, ŋgolə Jimna gə́ to Ləbi ɓa to njeŋgəm takəi gə́ par gə́ bər lé ləm, yeḛ to njekoo goo nékarje gə́ d’ḭ gə meḛ dee d’un d’ar Ala ləma, gə mba kai néje gə́ d’un tɔji Njesigənea̰ gə néje gə́ to gə kəmee doi ləm tɔ.

Pakɔsje 56:13

Ǝi Ala, ndukunje ləm gə́ m’un m’ari lé M’a ra née tɔl bém ya, M’a kinja nékinjanéməsje gə́ ka̰ kɔm na̰’d sad kari ya tɔ.

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Ejekel 46:12

Ɓó lé mbai gə́ njeɓee ḭ gə mée un nékinjaməs gə́ ka̰ roo əsé ḭ gə mée un nékinjaməs gə́ ka̰ ra oiyo ar Njesigənea̰ ndá d’a kɔr tarəwkəi gə́ to par gə́ bər karee, bèe ɓa yeḛ a kun nékinjanéməsje ləa gə́ ka̰ roo gə ka̰ ra oiyo to gə́ yeḛ ra gə ndɔ-kwa-rɔ lé, tɔɓəi yeḛ a kunda loo teḛ raga ndá d’a kudu tarəw gée’g loo gə́ yeḛ unda loo teḛ raga lé,

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Ləbije 23:37

Naḭje neelé ɓa to ka̰ Njesigənea̰, loo-mbo̰-dɔ-na̰je gə́ to gə kəmee gə mba kwam meḛ sí’d gə́ seḭ a kilaje mberee mba kar dee d’inja nékinjanéməsje gə́ ka̰ roo kar Njesigənea̰ ləm, da nékinjanéməsje gə́ ka̰ roo bura ləm, nékarje gə́ to nduji-kó ləm, da nékinjanéməsje ləma, gə nékarje gə́ ka̰ tər naŋg ləm tɔ, né gə́ rara kara gə goo nduree-nduree, mee ndəa gə́ wɔji dəa-dəa ya.

Ləbije 23:39

Ndɔ dɔg-giree-mi lə naḭ gə́ njekɔm’g siri lé loo gə́ seḭ a kinjaje kandə néje gə́ mee ɓee’g lə sí lé ndá seḭ a raje naḭ kwaje ne Njesigənea̰ meḛ sí’g as ndɔ sí siri: ndɔ gə́ dɔtar a to ndɔ-kwa-rɔ ləm, yee gə́ njekɔm’g jinaijoo kara a to ndɔ-kwa-rɔ ya ləm tɔ.

Bula lə Israɛlje 29:39

Néje neelé ɓa to nékinjanéməsje gə́ seḭ a kinjaje karje Njesigənea̰ loo naḭje’g lə sí korèje ne dɔ nékinjanéməsje lə sí gə́ ka̰ roo ləm, gə nékinjanéməsje lə sí gə́ wɔji dɔ sí dan maji’g ləm, gə njé gə́ wɔji dɔ tɔl ne ta ndukunje lə sí bém ləma, əsé nékarje gə́ wɔji dɔ kḭ gə mee kar ləm tɔ.

Tel tura Godndu 12:6

Lée gə́ neelé ɓa seḭ a reeje keneŋ gə nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar lé ləm, gə dɔ koje lə sí gə́ doŋgɔr ləm, gə nékarje gə́ ka̰ tɔl ne ta ndukun bém lé ləm, gə nékar gə́ ka̰ kḭ gə mee kar ləma, gə ŋgandər nékulje lə sí gə́ boi-boi əsé gə́ lam-lam ləm tɔ.