Ləbije 23:36 - Maktub gə́ To gə Kəmee

³⁶ As ndɔ siri lé, seḭ a kinjaje nékinjanéməsje gə́ ka̰ roo karje Njesigənea̰. Ndɔ gə́ njekɔm’g jinaijoo lé seḭ a mbo̰je dɔ na̰ kwamje meḛ sí’g ləm, seḭ a kinjaje nékinjaməs gə́ ka̰ roo karje Njesigənea̰ ləm tɔ, a to ndɔ kwa dɔ na̰ gə́ to gə kəmee ndá seḭ a raje kula gə́ seḭ aw raje ta-ta lé el.

Ləbije 23:36 Iomraidhean Croise

Nehemi 8:18

Deḛ tura maktub godndu Ala gə ndɔje kára-kára lai, un kudee ndɔ gə́ dɔtar ya saar teḛ ne rudu ndɔ’g. Deḛ ra naḭ as ndɔ dee siri ndá deḛ ra loo-mbo̰-dɔ-na̰ gə́ to gə kəmee mee ndɔ gə́ njekɔm’g jinaijoo’g to gə́ ndukun wɔji lé tɔ.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Joɛl 2:15

Imje to̰to̰ mee ɓee gə́ Sio̰’g! Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ.

Ləbije 23:7

Mee ndəa gə́ dɔtar lé seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

Tel tura Godndu 16:8

Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.