Ləbije 23:34 - Maktub gə́ To gə Kəmee

³⁴ Ula Israɛlje togə́bè pana: Ndɔ dɔg-giree-mi lə naḭ gə́ njekɔm’g siri neelé a to ndɔ ra naḭ ka̰ kəi-kubuje gə́ wɔji dɔ Njesigənea̰ as ndɔ siri.

Ləbije 23:34 Iomraidhean Croise

1 Mbaije 12:32

Yeḛ tum gin ra naḭ mee naḭ gə́ njekɔm’g jinaijoo mee ndɔ gə́ njekɔm’g dɔg-giree-mi lə naḭ’g neelé mba karee to asəna gə naḭ gə́ deḛ ra mee ɓee gə́ Juda lé tɔ, tɔɓəi yeḛ inja nékinjanéməsje dɔ loo-nékinjaməs’g. Aa ooje, né gə́ deḛ ra Betel gə mba kar dee d’inja ne nékinjaməs no̰ néndaji ŋgan maŋgje gə́ yeḛ ra dee lé ɓa to nee: Yeḛ unda njékinjanéməsje gə́ wɔji dɔ looje gə́ ndəw gə́ yeḛ unda Betel lé.

1 Mbaije 8:2

Diŋgamje lai gə́ Israɛl mbo̰ dɔ na̰ rɔ mbai Salomo̰’g mee naḭ Etanim gə́ to naḭ gə́ njekɔm’g siri mee ndɔ ra naḭ’g lé.

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

Esdras 3:4

Deḛ ra naḭ gə́ wɔji dɔ kəi-kubu gə́ la lé gə goo taree gə́ ndaŋg mee maktub’g lé. Gə ndɔje kára-kára lai lé, d’inja nékinjaməs gə́ ka̰ roo gə goo bula lə deḛ gə́ ndukun wɔji kar dee ra gə ndɔ dee ndɔ dee lé tɔ.

Nehemi 8:14

Bèe ɓa deḛ d’iŋga ta gə́ ndaŋg mee maktub godndu’d gə́ Njesigənea̰ un ar dee gə ndu Moyis to gə́ to kəm kar Israɛlje d’isi mee kəi-surumje’g loo ra naḭ’g mee naḭ gə́ njekɔm’g siri lé ləm,

Teḛ-Raga 23:16

Seḭ a raje naḭ gə́ wɔji dɔ dɔ kó gə́ seḭ injaje, mee ndəa gə́ seḭ iŋgaje ne né gə́ dɔtar loo kula’g lə sí gə goo néje gə́ seḭ dubuje mee ndɔ’g lə sí lé, tɔɓəi seḭ a raje naḭ kinja kó gə́ rudu ləb’g, loo gə́ seḭ mbo̰je kó néje lə sí lai gə́ mee ndɔje’g lə sí gə́ to kandə kulaje lə sí lai ya tɔ.

Teḛ-Raga 34:22

Seḭ a raje naḭ gə́ wɔji dɔ ndɔje gə́ siri-siri gɔl siri loo kinja dɔ kó gə́ dɔtar ləm, gə naḭ kinja kó gə́ to rudu ləb lé ləm tɔ.

Ejekel 45:25

Ndɔ gə́ njekɔm’g dɔg-giree-mi mee naḭ gə́ njekɔm’g siri lé yeḛ a kinja nékinjanéməsje gə́ ka̰ kuga dɔ kaiya gə nékinjanéməsje gə́ ka̰ roo togə́bè ləm, gə nékar gə́ to ubu togə́bè ləm tɔ as ndɔ siri.

Ləbije 23:33

Njesigənea̰ ula Moyis pana:

Ləbije 23:42

As ndɔ siri lé seḭ a síje mee kəi-kubuje’g, ŋgan kojiɓeje lə Israɛl lai d’a si mee kəi-kubuje’g ya

Ləbije 23:43

mba kar ŋgaka síje gər to gə́ m’ar Israɛlje d’isi mee kəi-kubuje’g loo gə́ m’ar dee d’unda loo mee ɓee gə́ Ejiptə teḛ lé. Ma m’to Njesigənea̰, Ala lə sí.

Bula lə Israɛlje 29:12

Ndɔ dɔg-giree-mi lə naḭ gə́ njekɔm’g siri lé a to ndɔ mbo̰ dɔ na̰ gə́ to gə kəmee. Seḭ a raje kula gə́ seḭ aw raje ta-ta lé el. Seḭ a raje naḭ gə́ wɔji dɔ Njesigənea̰ as ndɔ sí siri.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 7:2

Ndɔ ra naḭ lə Jibje gə́ wɔji dɔ kəi-kubuje lé nai dəb.

Tel tura Godndu 16:16

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Tel tura Godndu 31:10

Moyis ar dee ndukun nee pana: Ləbje gə́ siri-siri lé to ləb kɔr ɓaŋg dɔ dəwje’g mee ndɔ ra naḭ kəi-kubu’g lé

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 11:9

Meekun lé ɓa yeḛ aw ra ne ɓee gə́ Ala un ndia gə mba karee. Yeḛ si keneŋ asəna gə njekwagirloo. Kəi-surumje gə́ la gə kubu ɓa yeḛ si keneŋ ar Isaak, deḛ gə Jakob gə́ to njékwa-néndubaje səa na̰’d lé kara d’isi səa keneŋ gə́ njékwagirlooje tɔ.