Ləbije 23:3 - Maktub gə́ To gə Kəmee

³ D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Ləbije 23:3 Iomraidhean Croise

Teḛ-Raga 16:23

Moyis ula dee pana: Yee ɓa to né gə́ Njesigənea̰ un ne ndia dɔ’g ya. Bèlè to ndɔ-kwa-rɔ, to ndɔ-kwa-rɔ gə́ to gə kəmee mbata lə Njesigənea̰, gesee gə́ kəm ndao lé maji kar sí ndaoje ya, gesə né gə́ kəm ndiri-kolé kara ndirije-oléje ya tɔ ndá gesee gə́ nai lé undaje kul saar teḛ bèlè gə ndɔ.

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Teḛ-Raga 16:30

Togə́bè ɓa dəwje lé d’wa ne rɔ dee mee ndɔ gə́ njekɔm’g siri’g lé ya.

Teḛ-Raga 23:12

Ndɔje gə́ misa̰ lé seḭ a raje kula lə sí. Nɛ ndɔ gə́ njekɔm’g siri ndá seḭ a kwaje rɔ sí mba kar maŋgje lə sí gə mulayḛ̀je-je lə sí d’wa rɔ dee ləm, mba kar ŋgalə ɓərje lə sí gə́ dené gə dəw-dɔ-ɓee kara d’isi naŋg taa kəmə ləm tɔ.

Teḛ-Raga 34:21

Seḭ a raje kula ndɔ sí misa̰ ndá ndɔ gə́ njekɔm’g siri lé seḭ a kwaje rɔ sí, lé to naḭ ndɔ əsé naḭ kinja kó kara seḭ a kwaje rɔ sí keneŋ ya.

Esai 56:2

Rɔlel nai gə dəw gə́ njera né gə́ m’pa ləm, Gə yeḛ gə́ aar njaŋg keneŋ ləm tɔ Mba kaa dɔ ndɔ-kwa-rɔ lé Lal kila ndɔl dɔ’g ləm, Gə mba si kəmba Kar jia ra né gə́ majel kára kara el ləm tɔ.

Esai 56:6

Dəw-dɔ-ɓeeje gə́ d’ɔm na̰’d gə Njesigənea̰ Gə mba kwá meḛ dee’g ləm, Gə mba kunda ri Njesigənea̰ dan kəm dee’g ləma, Gə mba to kuraje ləa ləm tɔ lé Deḛ lai gə́ d’a kaa dɔ ndɔ-kwa-rɔ Kar dee d’ila ndɔl dɔ’g el ləm, D’a kaar njaŋg dɔ manrɔ’g ləm tɔ lé

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Lugu 13:14

Yen ŋga mbai gə́ njekəi-kwa-dɔ-na̰ lé mée ḭ səa jugugu mbata Jeju ɔr rɔko̰ rɔ dəw’g gə ndɔ-kwa-rɔ. Yeḛ ula boo-dəwje neelé pana: Ndɔje gə́ misa̰ to keneŋ mba ra kula. Bèe ndá reeje gə ndəaje neelé ɓa gə mba kar dee d’ɔr rɔko̰ rɔ sí’g ɓó reeje gə ndɔ-kwa-rɔ el.

Lugu 23:56

ndá deḛ d’ɔs tel d’aw ɓée, d’aw d’uru kuma̰ gə ubu gə́ ə̰də sululu lé na̰’d podé ne. Tɔɓəi deḛ rəm d’isi d’wa rɔ dee gə ndɔ-kwa-rɔ gə goo godndu lé tɔ.

Néra Njékaḭkulaje 15:21

Mbata un kudee kédé gə́ ləw lé ɓa njékɔrgootaje lə Moyis gə́ d’isi mee ɓee-booje’g kára-kára lai lé deḛ d’ɔr gée ləm, deḛ tura maktub ləa gə ndɔ-kwa-rɔje lai mee kəi-kwa-dɔ-na̰je’g ləm tɔ.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,