Ləbije 23:28 - Maktub gə́ To gə Kəmee

²⁸ Seḭ a raje kula kára kara mee ndəa’g neelé el mbata to ndɔ gə́ wɔji dɔ kiŋga meekoso lemsé dɔ kaiya gə́ ka̰ kuga ne dɔ kaiyaje lə sí no̰ Njesigənea̰’g tɔ.

Ləbije 23:28 Iomraidhean Croise

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ləbije 16:30

Mbata mee ndəa’g neelé d’a ra né gə mba kuga ne dɔ kaiya lə sí mba kar sí àrje ne kar ta kaiyaje lə sí lai a kɔr ne dɔ sí’g no̰ Njesigənea̰’g tɔ.

Ləbije 16:33

Yeḛ a ra né mba kɔr ne ndɔl kaiya dɔ kəi gə́ to gə kəmee doi’g lé ləm, yeḛ a kɔr ne ndɔl kaiya dɔ kəi-kubu-kiŋga-na̰’g ləm, gə dɔ loo-nékinjaməs’g ləm, yeḛ a ra né mba kuga ne dɔ kaiya lə njékinjanéməsje ləma, gə ka̰ koso-dəwje lai ləm tɔ.

Ləbije 16:34

Yee ɓa a to godndu gə́ a to saar gə no̰ mbata lə sí, gɔl kára mee ləb kára-kára’g lé d’a ra né mba kuga ne dɔ kaiya lə Israɛlje gə́ deḛ ra ya. Deḛ ra né gə́ Njesigənea̰ un ndia dɔ’g ar Moyis lé ya.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Jakari 3:9

Mbata aa oo, n’unda kɔr mbal lé no̰ Jujee’g, Kɔr mbal gə́ kára neelé kəmeeje siri to keneŋ, Aa oo, neḛ nja n’a tḭja né gə́ kəm tḭja keneŋ, Njesigənea̰ gə́ njeboo-néje ɓa pa bèe. Tɔɓəi n’a tɔr ta néra gə́ kori-kori dɔ ɓee’g neelé Mee ndɔ gə́ kára ba ya.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

Ǝbrəje 10:14

Mbata mbɔl dɔ nékar Ala kára ba kiao gə́ yeḛ un aree lé ɓa yeḛ ar deḛ gə́ to gə kəmee tel to ne maji d’ɔr njoroŋ.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

1 Ja̰ 4:10

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

1 Ja̰ 5:6

Yeḛ nja ɓa to Jeju Kristi gə́ ree lé, yeḛ ree gə mán ləm, gə məs ləm tɔ. Yeḛ ree gə mán ɓa goo kára ba el, nɛ yeḛ ree gə mán gə məs na̰’d ya. Ndil ɓa ɔr goo ta neelé ar sí mbata Ndil lé to darɔ kankəmta.