Ləbije 23:27 - Maktub gə́ To gə Kəmee

²⁷ Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Ləbije 23:27 Iomraidhean Croise

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Pakɔsje 35:13

Ma lé loo gə́ deḛ ɓa d’oso gə rɔko̰ ndá M’ula kubu-kwa-ndòo rɔm’g ləm, M’oso kul m’ɔg məəm ɓó ləma, M’ula dɔm naŋg mbur-mbur m’ra ne tamaji ləm tɔ.

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Esai 58:5

See yee ɓa gə́ kɔg-mee-ɓoo gə́ taa kəm Mee ndəa gə́ dəw ula ne kəm rəa ndòo lé wa. Kula dɔ to gə́ ŋgawlal bèe ləm, Gə kula kubu-kwa-ndòo Rogo ne bu-pər’g ləm tɔ lé See yee neelé ɓa i ɓaree kɔg-mee-ɓoo ləm, Gə ndɔ gə́ lel Njesigənea̰ ləm tɔ wa.

Ləbije 16:11

Aaro̰ a kinja bɔ maŋg ləa gə́ ka̰ kuga dɔ kaiya lé ndá yeḛ a kuga ne dɔ kaiya ləa-yeḛ ləm gə ka̰ njémeekəije ləa ləm tɔ. Yeḛ a kinja gwɔb bɔ maŋg ləa gə́ ka̰ kuga dɔ kaiya ləa-yeḛ lé togə́bè ya.

Ləbije 16:15

Yeḛ a kinja gwɔb bàl bya̰ gə́ ka̰ kuga dɔ kaiya lə dəwje lé ndá a kaw gə məsee njal mee kubu gə́ gaŋg ne mee kəi gə́ to gə kəmee doi’g. Yeḛ a ra gə məs neelé to gə́ ra ne gə məs bɔ maŋg gə́ kédé lé bèe ndá yeḛ a saga dɔ kidata sa̰duk-manrɔ gə́ wɔji dɔ meekoso lemsé ləm, gə nea̰’g ləm tɔ.

Ləbije 16:16

Yee gə́ bèe ɓa yeḛ a ra ne né mba kɔr ne ndɔl kaiya dɔ kəi gə́ to gə kəmee’g gə mbata lə néraje gə́ mina̰ lə Israɛlje ləm, gə kaltaje lə deḛ lai gə́ deḛ ra ne kaiya ləm tɔ. Yeḛ a ra togə́bè mbata lə kəi-kubu-kiŋga-na̰ lə Israɛlje gə́ to mbuna dee’g dan néraje’g lə dee gə́ mina̰ lé tɔ.

Ləbije 16:24

Yeḛ a ndogo mán mee loo gə́ to gə kəmee’g ndá a tel kula kubuje ləa rəa’g gogo tɔ. Tɔɓəi yeḛ a kunda loo teḛ ndá a kinja nékinjaməs ləa gə́ ka̰ roo lé ləm, gə nékinjaməs lə koso-dəwje gə́ ka̰ roo lé ləm tɔ, bèe ɓa yeḛ a ra né gə́ gə mba kuga ne dɔ kaiya ləa-yeḛ ləm gə ka̰ koso-dəwje lé ləm tɔ.

Ləbije 23:26

Njesigənea̰ ula Moyis pana:

Ləbije 23:28

Seḭ a raje kula kára kara mee ndəa’g neelé el mbata to ndɔ gə́ wɔji dɔ kiŋga meekoso lemsé dɔ kaiya gə́ ka̰ kuga ne dɔ kaiyaje lə sí no̰ Njesigənea̰’g tɔ.

Ləbije 25:9

Ndɔ dɔg lə naḭ gə́ njekɔm’g siri lé seḭ a karje ndu to̰to̰ ɓar ɔr loo lɔi-lɔi, ndɔ kiŋga meekoso lemsé dɔ kaiya’g lé kara seḭ a kimje to̰to̰ gə looje lai-lai mee ɓee’g lə sí tɔ.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Néra Njékaḭkulaje 27:9

Kaw gə́ j’aw bèe lé kur sí əw keneŋ ar kaw rəw gə́ mán lé to yoo mbata naḭ kɔg-mee-ɓoo lé kara dəs mba̰.

Maktub gə́ Jak ula ne ar ngan-Allaje 4:9

Waje ndòo rɔ sí, síje gə kəmndooyoo ləm, gə mán-no̰ kəm sí’g ləm tɔ. Ŋgaŋ kogo lə sí lé mbélje ne kəmndooyoo ləm, rɔlel lə sí lé kara mbélje ne nékəmndoo ləm tɔ.