Ləbije 23:24 - Maktub gə́ To gə Kəmee

²⁴ pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Ləbije 23:24 Iomraidhean Croise

1 Sôrta Gḭka-Israɛlje 15:28

Israɛlje lai d’ar dee ree gə sa̰duk-manrɔ lə Njesigənea̰ lé ɓée gə ndu rɔlel ləm, gə ndu tébé ləm, gə ndu to̰to̰ ləma, gə ndu ma̰dje gə́ sa səgə-səgə ləm tɔ ndá deḛ d’im kṵdu-ko̰déje gə kṵdu-kagje tɔ.

2 Sôrta Gḭka Israɛlje 5:13

Yen ŋga loo gə́ deḛ gə́ njékim to̰to̰je gə njékɔspaje lé d’ɔm na̰’d yəg d’unda ndu dee na̰’d gə mba pidi Njesigənea̰ ndá deḛ d’ar to̰to̰je ləm, gə ma̰dje gə́ sa səgə-səgə ləma, gə nékimje gə́ raŋg ləm tɔ ɓar ŋgaw d’ula ne rɔnduba dɔ Njesigənea̰’g gə taje nee pana: Mbata yeḛ lé maji dum ləm, meekɔrjol ləa to saar-saar gə no̰ ləm tɔ. Mee kàree gə́ neelé mum taa mee kəi gə́ to kəi lə Njesigənea̰ lé pəl-pəl tɔ .

Esdras 3:6

Mee ndɔ gə́ dɔtar lə naḭ gə́ njekɔm’g siri lé deḛ d’un kudu kinja nékinjanéməsje gə́ ka̰ roo lé kar Njesigənea̰. Nɛ deḛ tum gin kəi lə Njesigənea̰ gə́ to gə kəmee lé el ɓəi.

Nehemi 8:2

Bèe ɓa Esdras, njekinjanéməs ree gə maktub godndu lé no̰ koso-dəwje gə́ to diŋgamje gə denéje gə ŋganje gə́ d’askəm koo ta gər ginee. To ndɔ gə́ dɔtar mee naḭ gə́ njekɔm’g siri.

Pakɔsje 89:15

Ta gə́ to gə dɔ najee gə néra gə́ danasur lé ɓa gə́ gin kalimbai ləi ləm, Meemaji gə meenda londoŋ ləi lé to nɔḭ’g ya ləm tɔ.

Pakɔsje 98:6

Maji kar sí raje ne né ta yi-yi gə ndu to̰to̰ gə ndu ta̰rən lé Gə rɔlel no̰ mbai’g lə sí gə́ Njesigənea̰ lé tɔ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Ləbije 23:23

Njesigənea̰ ula Moyis

Ləbije 25:9

Ndɔ dɔg lə naḭ gə́ njekɔm’g siri lé seḭ a karje ndu to̰to̰ ɓar ɔr loo lɔi-lɔi, ndɔ kiŋga meekoso lemsé dɔ kaiya’g lé kara seḭ a kimje to̰to̰ gə looje lai-lai mee ɓee’g lə sí tɔ.

1 Njé gə́ Kɔrḭtə 15:52

léegəneeya to gə́ kəm gə́ tuga jib bèe ndɔ gə́ to̰to̰ gə́ rudu a ɓar lé. Mbata to̰to̰ a ɓar ya ndá njé gə́ d’wəi lé d’a kunda loo teḛ gə rɔ dee gə́ a gə yɔlé el ŋga ndá jeḛ kara j’a kun rɔ sí gə́ ləw mbél ne nje gə́ sigi tɔ.

1 Njé gə́ Tesalonikə 4:16

Mbata Mbaidɔmbaije nja ɓa a kwɔji lé ndá ndu ka̰ mbai lə kuraje gə́ dara a ɓar wəl ləm, ndu to̰to̰ lə Ala a ɓar kɔr loo lɔi-lɔi ləm tɔ ndá yeḛ a kḭ dara gə mba ree ŋga. Deḛ gə́ d’wəi gin Kristi’g lé d’a kunda loo teḛ kédé.