Ləbije 23:20 - Maktub gə́ To gə Kəmee

²⁰ Njekinjanéməs a ra da nékinjanéməsje neelé no̰ Njesigənea̰’g mba kunda gə kəmee na̰’d gə muru dɔ kó gə́ doŋgɔr ləm, gə ŋgan badje gə́ joo lé ləm tɔ, d’a kunda dee gə kəmee mbata lə Njesigənea̰ ləm, d’a to ka̰ njekinjanéməs ləm tɔ.

Ləbije 23:20 Iomraidhean Croise

Teḛ-Raga 29:24

I a kɔm néje lai neelé ji Aaro̰’g gə ji ŋganeeje gə́ diŋgam’g ndá, a kar dee d’ula gə́ yo gə́ nee gə goo nduree no̰ Njesigənea̰’g.

Ləbije 23:17

Seḭ a kḭje mee kəije’g lə sí gə pil muru joo-joo kawje ne mba kar dee ra nduree gə mba kundá ne gə kəmee, d’a to pil muru gə́ ra dee gə nduji gə́ ndá léréré ləm, gə koro gə əm-tiné ləm tɔ: to gə́ dɔ kó gə́ doŋgɔr gə́ d’un d’ar Njesigənea̰ ya.

Ləbije 23:19

Seḭ a kinjaje gwɔs bàl bya̰ kára gə́ nékinjaməs gə́ ka̰ kuga dɔ kaiya ləm, gə ŋgan badje joo gə́ ra ləb dee kára-kára gə́ nékinjaməs gə́ ka̰ kɔm na̰’d ləm tɔ.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 8:29

Moyis un kaar bàl badə gə́ wɔji dɔ kunda gə kəmee kɔm kula ji dee’g ndá yeḛ ulá gə́ yo gə́ nee no̰ Njesigənea̰’g, yee ɓa to gə́ gesee gə́ wɔji dɔ Moyis, to gə́ Njesigənea̰ un ne ndia aree ne bèe lé ya tɔ.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

1 Njé gə́ Kɔrḭtə 9:11

Ɓó lé jeḛ n’dubu né gə́ maji gə́ wɔji dɔ ndil sí mbuna sí’g ndá see to kəm kar sí j’iŋga né gə́ wɔji dɔ darɔ síjeḛ ji sí’g el wa.

Njé gə́ Epesə 2:14

Mbata yeḛ nja gə́ njegɔl sí kɔm sí na̰’d, yeḛ nja ɓa wa sí joo bɔr orè sí na̰’d ləm, ndògo gə́ kai sí dana lé yeḛ unda naŋg rab, udu ne kəm ba̰ lə sí lé ləm tɔ.

Tel tura Godndu 18:4

Seḭ a kaareeje dɔ kó lə sí gə mán-nduú lə sí gə ubu lə sí gə́ doŋgɔr ləm, gə bḭ badje lə sí gə́ dɔtar ləm tɔ,