Ləbije 23:2 - Maktub gə́ To gə Kəmee

² karee ula Israɛlje pana: Ndɔ ra naḭje lə Njesigənea̰ gə́ seḭ a kilaje mberee lé a to loo-mbo̰-dɔ-na̰ gə́ to gə kəmee gə mba kwam ne meḛ sí’g. Ndɔ ra naḭje ləm lé ɓa nee:

Ləbije 23:2 Iomraidhean Croise

2 Mbaije 10:20

Jehu un ndia pana: Ilaje mbər ra naḭ gə́ boo gə mba kula ne rɔnduba dɔ magə-Baal’g. Bèe ɓa deḛ d’ila mberee ya tɔ.

1 Sôrta Gḭka-Israɛlje 23:31

gə mba kinja ne nékinjanéməsje lai gə́ ka̰ roo kar Njesigənea̰ gə ndɔ-kwa-rɔje ləm, gə naḭje gə́ teḛ sigi ləma, gə naḭje gə́ raŋg ləm tɔ, gə goo bula lə néje lai gə́ godndu wɔji lé ta-ta no̰ Njesigənea̰’g.

2 Sôrta Gḭka Israɛlje 2:3

Aa oo, m’a gə ra kəi gə ri Njesigənea̰ Ala ləm, kunda gə kəmee karee gə mba roo né gə́ ə̰də sululu keneŋ nea̰’g ləm, gə mba kunda pil muruje gə́ to gə kəmee nea̰’g ta-ta ləm, gə nékinjaməs gə́ ka̰ roo gə́ wɔji dɔ teḛ gə ndɔ gə kàrkemetag gə ndɔ-kwa-rɔ gə naḭ gə́ teḛ sigi ləma, gə ra naḭje lə Ala lə sí gə́ Njesigənea̰ ləm tɔ gə goo godndu gə́ gə no̰ mbata Israɛlje lé.

2 Sôrta Gḭka Israɛlje 30:5

ndá deḛ d’wɔji meḛ dee’g gə mba kila mberee mee ɓee’d gə́ Israɛl lai un kudee Beer-Seba saar teḛ Dan mba kar dee ree Jerusalem ra naḭ Pag d’ula ne rɔnduba dɔ Njesigənea̰, Ala’g lé lə Israɛlje. Mbata koso-dəwje lé kédé lé ra naḭ Pag to gə́ ndaŋg ne taree lé el.

Esdras 3:5

Gée gə́ gogo ndá deḛ d’inja nékinjaməs gə́ ka̰ roo gə́ ra ta-ta ləm, gə nékinjanéməsje gə́ wɔji dɔ naḭje gə́ teḛ sigi ləm, gə naḭje lai gə́ to gə kəmee mbata lə Njesigənea̰ ləma, gə nékinjanéməsje lai gə́ nana kara ḭ gə mée ar Njesigənea̰ gə meendakaḭ ləm tɔ.

Pakɔsje 81:3

Unje pa ɔsje ləm, Arje ndu dalè bajiŋ ləm, Gə ndu kṵdu ləma, gə ndu kṵdu-ko̰dè ləm tɔ lé ɓar ɔr loo lɔi-lɔi.

Teḛ-Raga 32:5

Loo gə́ Aaro̰ oo togə́bè ndá yeḛ ra loo-nékinjaməs no̰ magə’g neelé tɔɓəi yeḛ pata gə ndia gə́ boi wəl pana: Bèlè lé a to ndɔ ra naḭ gə́ wɔji dɔ Njesigənea̰.

Esai 33:20

Aaje loo ooje Sio̰ gərərə, Yee gə́ to ɓee-boo gə́ to loo-ra-naḭje lə sí lé Kəm sí a koo Jerusalem Gə́ to ɓee si lɔm ləm, Gə kəi-kubu gə́ d’a kɔr kaw ne raŋg el ləm, D’a tɔr kag-ɓərəje el saar ləma, D’a tudu kulaje ləa gogo el ləm tɔ.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Ejekel 44:24

Loo-maḭ-ta lé dee ɓa d’a to njékɔrkəmtaje keneŋ ləm, d’a kɔr kəmta gə goo godnduje lə neḛ ləm tɔ. D’a kaa dɔ godnduje lə neḛ gə ndukunje lə neḛ loo-ra-naḭje’g lə neḛ lai ləm, d’a kunda ndɔ-kwa-rɔje lə neḛ gə kəmee ləm tɔ.

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Joɛl 2:15

Imje to̰to̰ mee ɓee gə́ Sio̰’g! Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ.

Ləbije 23:1

Njesigənea̰ ula Moyis

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:37

Naḭje neelé ɓa to ka̰ Njesigənea̰, loo-mbo̰-dɔ-na̰je gə́ to gə kəmee gə mba kwam meḛ sí’d gə́ seḭ a kilaje mberee mba kar dee d’inja nékinjanéməsje gə́ ka̰ roo kar Njesigənea̰ ləm, da nékinjanéməsje gə́ ka̰ roo bura ləm, nékarje gə́ to nduji-kó ləm, da nékinjanéməsje ləma, gə nékarje gə́ ka̰ tər naŋg ləm tɔ, né gə́ rara kara gə goo nduree-nduree, mee ndəa gə́ wɔji dəa-dəa ya.

Ləbije 23:4

Ndɔ ra naḭje lə Njesigənea̰ gə́ raŋg, gə́ to loo-mbo̰-dɔ-na̰je gə́ to gə kəmee mba kwam ne meḛ sí’g, gə́ seḭ a kilaje mberee mee ndɔje gə́ wɔji dɔ dee lé ɓa nee:

Ləbije 23:44

Yee ɓa gə́ ta gə́ Moyis ula Israɛlje wɔji ne dɔ naḭje lə Njesigənea̰ lé.

Bula lə Israɛlje 10:10

Mee ndɔje lə sí gə́ ka̰ kalrɔ ləm, mee ndɔje lə sí gə́ ka̰ ra naḭ ləma, gə mee ndɔje lə sí gə́ ka̰ ra naḭ gə́ teḛ sigi ləm tɔ lé seḭ a kimje to̰to̰je loo gə́ seḭ injaje nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d sad ləm tɔ ndá néje neelé a kar mee Ala lə sí olé ne dɔ sí’g. Ma m’to Njesigənea̰, Ala lə sí ya.

Bula lə Israɛlje 29:39

Néje neelé ɓa to nékinjanéməsje gə́ seḭ a kinjaje karje Njesigənea̰ loo naḭje’g lə sí korèje ne dɔ nékinjanéməsje lə sí gə́ ka̰ roo ləm, gə nékinjanéməsje lə sí gə́ wɔji dɔ sí dan maji’g ləm, gə njé gə́ wɔji dɔ tɔl ne ta ndukunje lə sí bém ləma, əsé nékarje gə́ wɔji dɔ kḭ gə mee kar ləm tɔ.

Tagə́maji gə́ Ja̰ ndang 5:1

Gée gə́ gogo to ndɔ ra naḭ lə Jibje ndá Jeju ḭ keneŋ aw Jerusalem.

Njé gə́ Kolosə 2:1

Tɔgərɔ ya, ma m’ndigi kar sí gərje gao, ma lé m’təd loo rém-rém mbata lə sí-seḭ ləm, gə deḛ lai gə́ d’isi Laodise ləma, gə deḛ gə́ kəm dee oso dɔm’g el ɓəi kara ləm tɔ

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.