Ləbije 23:17 - Maktub gə́ To gə Kəmee

¹⁷ Seḭ a kḭje mee kəije’g lə sí gə pil muru joo-joo kawje ne mba kar dee ra nduree gə mba kundá ne gə kəmee, d’a to pil muru gə́ ra dee gə nduji gə́ ndá léréré ləm, gə koro gə əm-tiné ləm tɔ: to gə́ dɔ kó gə́ doŋgɔr gə́ d’un d’ar Njesigənea̰ ya.

Ləbije 23:17 Iomraidhean Croise

Nehemi 10:37

Ŋgandər síje gə́ diŋgam, gə ŋgandər maŋgje gə badje lə sí lé j’a reeje sə dee mee kəi-Ala’g lə sí kar njékinjanéməsje gə́ ra kula mee kəi’g lə Ala lə sí to gə́ deḛ ndaŋg ne taree mee maktub’g lé ya.

Teḛ-Raga 22:29

Seḭ a kamje ŋgandər maŋgje lə sí ləm, gə ka̰ badje lə sí ləm tɔ, deḛ d’a nai gel ko̰ deeje’g ya ndɔ siri, ndɔ gə́ njekɔm’g jinaijoo ndá seḭ a kam deeje ya.

Teḛ-Raga 23:16

Seḭ a raje naḭ gə́ wɔji dɔ dɔ kó gə́ seḭ injaje, mee ndəa gə́ seḭ iŋgaje ne né gə́ dɔtar loo kula’g lə sí gə goo néje gə́ seḭ dubuje mee ndɔ’g lə sí lé, tɔɓəi seḭ a raje naḭ kinja kó gə́ rudu ləb’g, loo gə́ seḭ mbo̰je kó néje lə sí lai gə́ mee ndɔje’g lə sí gə́ to kandə kulaje lə sí lai ya tɔ.

Teḛ-Raga 23:19

Dɔ kó gə́ ər dɔtar gə́ seḭ iŋgaje mee ndɔ’g lə sí kédé lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Teḛ-Raga 34:22

Seḭ a raje naḭ gə́ wɔji dɔ ndɔje gə́ siri-siri gɔl siri loo kinja dɔ kó gə́ dɔtar ləm, gə naḭ kinja kó gə́ to rudu ləb lé ləm tɔ.

Teḛ-Raga 34:26

Dɔ kó gə́ dɔtar gə́ seḭ iŋgaje mee ndɔ’g lə sí lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Ləbije 2:12

Seḭ a kasjekəm kun néje gə́ togə́bè asəna gə nékar gə́ wɔji dɔ dɔmaḭ-kó gə́ dɔtar ya nɛ d’a ree ne loo-nékinjaməs’g asəna gə nékar gə́ baḭyee ə̰də lel bèe lé el.

Ləbije 23:10

Ula Israɛlje pana: Loo gə́ seḭ a ka̰dje mee ɓee gə́ ma m’ar sí ɓa seḭ injaje kó keneŋ ndá seḭ a reeje gə dɔ kó gə́ doŋgɔr gə́ seḭ injaje lé mba karje njekinjanéməs.

Ləbije 23:18

Né gə́ seḭ a korèje dɔ muru’g neelé a to ŋgan badje siri gə́ ra ləb dee kára-kára gə́ rɔ dee ya̰ maree el ləm, gə bɔ maŋg kára ləma, gə bàl badje joo ləm tɔ gə́ nékinjaməs gə́ ka̰ roo kar Njesigənea̰, nékar gə́ to nduji gə nékar gə́ ka̰ tər naŋg ta-ta lé seḭ a korèje na̰’d gə néje neelé mba karee to nékar gə́ ka̰ roo gə́ baḭyee ə̰də lel Njesigənea̰ tɔ.

Ləbije 7:13

Tɔɓəi yeḛ a ree gə muru gə́ əm-tiné to keneŋ mba kɔm dɔ mbə’g neelé karee to nékinjaməs gə́ ka̰ ra Ala oiyo kɔm ne səa na̰’d sad.

Bula lə Israɛlje 15:17

Njesigənea̰ ula Moyis pana:

Bula lə Israɛlje 18:12

Néje gə́ doŋgɔr gə́ d’un d’am-ma Njesigənea̰ gə́ ma m’ari ɓa nee: Ubu lai gə́ maji dum ləm, mán-nduú gə́ sigi ləma, gə kó lai gə́ maji dum ləm tɔ.

Bula lə Israɛlje 18:13

Kandə néje gə́ mee ndɔje’g lə dee gə́ dɔtar gə́ d’a ree ne kam ma Njesigənea̰ lé d’a to kaḭ ya. Nana ɓa gə́ mee kəi’g ləi gə́ rəa àr ŋgad-ŋgad ndá a sɔ ya.

Bula lə Israɛlje 28:26

Ndɔ ra naḭ Pa̰dekɔt lé, loo gə́ seḭ a reeje gə dɔ kó lə sí gə́ dɔtar karje Njesigənea̰ lé a to ndɔ mbo̰ dɔ na̰ gə́ to gə kəmee: seḭ a raje kula gə́ seḭ aw raje ta-ta lé el.

Matiyo 13:33

Yeḛ ula dee gosota gə́ raŋg ya tɔɓəi pana: Ɓeeko̰ gə́ dara lé to asəna gə né gə́ ar nduji ti gə́ dené ɔm dan nduji as ŋgo munda’g guru ne saar aree ḭ dor-dor.

Njé gə́ Rɔmə 8:23

Deḛ neelé ɓa gə kar dee el, nɛ jeḛ gə́ j’isi gə Ndil gə́ tɔl meḛ sí bujuru lé kara jeḛ m’tuma̰ ŋgururu-ŋgururu sə dee na̰’d, ŋgina ne ndɔ gə́ Ala a kuga dɔ darɔ sí tel sí ne gə́ ŋgan ɓaaje ləa.

1 Njé gə́ Kɔrḭtə 15:20

Nɛ ɓasinè lé Kristi teḛ mbuna njé gə́ d’wəi’g ya, yeḛ to ne dəw gə́ doŋgɔr lə deḛ gə́ d’wəi.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.