Ləbije 23:12 - Maktub gə́ To gə Kəmee

¹² Ndɔ gə́ seḭ a raje ndur dɔ kó kundaje ne gə kəmee ndá seḭ a kinjaje gwɔs ŋgon badə gə́ ra ləb kára ba ləm, gə́ rəa ya̰ maree el ləm tɔ, gə́ nékinjaməs gə́ ka̰ roo karje Njesigənea̰ ya,

Ləbije 23:12 Iomraidhean Croise

Teḛ-Raga 12:5

Ŋgon badə gə́ seḭ a kwáje lé a to bàlee gə́ ra ləb kára ba gə́ rəa mina̰ el, seḭ a kwaje ŋgon badə əsé ŋgon bya̰ tɔ.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:3

Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 23:11

Dɔ kó neelé yeḛ ra nduree no̰ Njesigənea̰’g kunda ne gə kəmee mba karee taa kəmee, goo ndɔ gə́ njekorè goo ndɔ ndɔ-kwa-rɔ’g ya.

Ləbije 23:13

Nékar gə́ to nduji gə́ seḭ a korèje na̰’d gə nékinjaməs lé a to nduji gə́ ndá léréré as nékwɔji kwɔi-lə-né misa̰ gə́ seḭ a mbɔḭje gə ubu asəna gə nékar gə́ ka̰ roo gə́ baḭyee ə̰də lel Njesigənea̰, tɔɓəi a karje nékar gə́ ka̰ tər naŋg gə́ to mán-nduú gə́ mḭ as litər kára gə́ gesee tɔ.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,