Ləbije 23:1 - Maktub gə́ To gə Kəmee

¹ Njesigənea̰ ula Moyis

Ləbije 23:1 Iomraidhean Croise

1 Sôrta Gḭka-Israɛlje 23:31

gə mba kinja ne nékinjanéməsje lai gə́ ka̰ roo kar Njesigənea̰ gə ndɔ-kwa-rɔje ləm, gə naḭje gə́ teḛ sigi ləma, gə naḭje gə́ raŋg ləm tɔ, gə goo bula lə néje lai gə́ godndu wɔji lé ta-ta no̰ Njesigənea̰’g.

2 Sôrta Gḭka Israɛlje 2:4

Kəi gə́ m’a gə kunda lé a to kəi gə́ boo mbata Ala lə sí lé boo ur dɔ magəje lai ya.

2 Sôrta Gḭka Israɛlje 8:13

Yeḛ inja nékinjanéməsje gə goo godndu Moyis gə́ wɔji dɔ ndɔje kára-kára ləm, gə njé gə́ wɔji dɔ ndɔ-kwa-rɔje ləm, gə naḭje gə́ teḛ sigi ləm, gə naḭje ləm, gə yee gə́ gɔl munda mee ləb kára ləm, gə naḭje gə́ wɔji dɔ muru gə́ əm-tiné godo keneŋ ləm, gə naḭje gə́ wɔji dɔ ndɔje siri-siri ləma, gə naḭje gə́ wɔji dɔ kəi-surumje ləm tɔ.

Esai 1:13

Nékarje gə́ gə mḭdé-mḭdé lé Ǝwje rɔ sí reeje ne, Né gə́ ə̰də sululu ləm, Gə ndɔ ra naḭje gə́ teḛ sigi ləm, Gə ndɔ-kwa-rɔ ləma, Gə loo-mbo̰-dɔ-na̰je ləm tɔ lé To kḛji kəm’g, Gə mba kar néra gə́ kori-kori ɔm na̰’d Gə loo-kwa-dɔ-na̰ gə́ to gə kəmee lé Ma m’ndigi koo el.

Ejekel 44:24

Loo-maḭ-ta lé dee ɓa d’a to njékɔrkəmtaje keneŋ ləm, d’a kɔr kəmta gə goo godnduje lə neḛ ləm tɔ. D’a kaa dɔ godnduje lə neḛ gə ndukunje lə neḛ loo-ra-naḭje’g lə neḛ lai ləm, d’a kunda ndɔ-kwa-rɔje lə neḛ gə kəmee ləm tɔ.

Ejekel 45:17

Mbai gə́ njeɓee ɓa a kar dee nékinjanéməsje gə́ ka̰ roo ləm, gə nékarje ləma, gə nékarje gə́ ka̰ saga ləm tɔ loo ra naḭje’g ləm, gə naḭje gə́ teḛ sigi ləm, gə ndɔ-kwa-rɔje ləma, gə ndɔ ra naḭje lai gə́ to gə kəmee gə́ to ka̰ Njesigənea̰ gə́ gel-bɔje lə Israɛl d’a ra ləm tɔ, yeḛ a kar dee nékinjanéməsje gə́ ka̰ kuga dɔ kaiya ləm, gə nékar ləm, gə nékinjaməs gə́ ka̰ roo ləma, gə nékinjanéməsje gə́ ka̰ ra oiyo ləm tɔ mba kuga ne dɔ kaiya lə gel-bɔje gə́ Israɛl.

Ejekel 46:11

Loo ra naḭje gə loo ra naḭje gə́ to gə kəmee gə́ to ka̰ Njesigənea̰ lé nékar gə́ to kó-wa a kas nékwɔji kwɔi-lə-né rɔ-munda mbata lə bɔ maŋg kára-kára gə bàl badə kára-kára ləm, gə kó-wa to gə́ mee dəw ndigi mbata lə ŋgan badje lé ləm tɔ gə ubu as litər misa̰ na̰’d gə goo kó-wa gə́ nékwɔji kwɔi-lə-né rɔ-munda-munda lé.

Ləbije 22:33

gə m’ar sí undaje loo mee ɓee gə́ Ejiptə teḛje ləm tɔ, mba to ne Ala lə sí. Ma m’to Njesigənea̰.

Ləbije 23:2

karee ula Israɛlje pana: Ndɔ ra naḭje lə Njesigənea̰ gə́ seḭ a kilaje mberee lé a to loo-mbo̰-dɔ-na̰ gə́ to gə kəmee gə mba kwam ne meḛ sí’g. Ndɔ ra naḭje ləm lé ɓa nee:

Ləbije 23:44

Yee ɓa gə́ ta gə́ Moyis ula Israɛlje wɔji ne dɔ naḭje lə Njesigənea̰ lé.

Bula lə Israɛlje 15:3

loo gə́ seḭ injaje nékinjanéməsje gə́ ka̰ roo kar Njesigənea̰ lé, lé to nékinjaməs gə́ ka̰ roo əsé nékinjaməs gə́ ka̰ tɔl ne ta ndukun əsé to gə́ nékarnoji gə́ dəw ḭ gə mée mba ra əsé loo ra naḭje lə sí kara nékulje lə sí gə́ boi-boi əsé njé gə́ lam-lam ba gə́ d’a tel to né gə́ baḭyee ə̰də lel Njesigənea̰ lé

Njé gə́ Galati 4:10

Seḭ tɔsje kəm sí bao-bao dɔ ndɔje’g ləm, gə dɔ naḭje’g ləm, gə dɔ ndɔ ra naḭje’g ləma, gə dɔ ləbje’g ləm tɔ.

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.