Ləbije 22:9 - Maktub gə́ To gə Kəmee

⁹ D’a kaa dɔ godndumje kər-kər nà banelə ta kaiya lə dee a kwa dɔ dee kar dee d’wəi ne mbata kila gə́ d’ila ndɔl dɔ deḛ gə́ to gə kəmee’g lé.

Ləbije 22:9 Iomraidhean Croise

Teḛ-Raga 28:43

Aaro̰ gə ŋganeeje gə́ diŋgam d’a kula kubuje neelé rɔ dee’g loo gə́ d’a kandə mee kəi-kubu-si-Ala’g əsé loo gə́ d’a rəm pər gə́ loo-nékinjaməs’g mba ra kula gə́ wɔji dɔ loo gə́ to gə kəmee, togə́bè ɓa d’a kar ta wa ne dɔ dee el ləm, d’a kwəi ne el ləm tɔ. Yee neelé to godndu gə́ a to gə no̰ mbata lə Aaro̰ gə ŋgakadɔgeeje tɔ.

Ləbije 16:13

Yeḛ a kɔm né gə́ ə̰də sululu neelé dɔ pər’g no̰ Njesigənea̰’g mba kar sia tuu ɔn dɔ kidata sa̰duk kɔrgoota gə́ wɔji dɔ meekoso lemsé lé ndá a kwəi ne el.

Ləbije 16:2

Njesigənea̰ ula Moyis pana: Maji kari ula ŋgokɔḭ Aaro̰ mba karee andə aw mee loo gə́ to gə kəmee’g dəs njal aw mee kubu gə́ gaŋg ne mee kəi gə́ to no̰ kidata sa̰duk-manrɔ gə́ ka̰ meekoso lemsé’g lé ta-ta el, nà a kwəi, mbata m’a teḛ kəmee’g dan mum’g dɔ kidata sa̰duk-manrɔ gə́ ka̰ meekoso lemsé’g lé ya.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Ləbije 22:16

néje gə́ to gə kəmee gə́ d’usɔ togə́bè d’ar ta wa ne dɔ dee lé d’a kɔm ne ta kaiya dɔ dee’g ya tɔ, mbata ma m’to Njesigənea̰ gə́ m’ɔr dee m’unda dee gə kəmee lé.

Bula lə Israɛlje 18:22

Israɛlje lé d’a kaw pər gə́ mbɔr kəi-kubu-kiŋga-na̰’g el ŋga, nà ta kaiya a kwa dɔ dee kar dee d’wəi ne.

Bula lə Israɛlje 18:32

Loo gə́ seḭ ɔrje né gə́ maji dum mba̰ ndá né neelé a kar ta kaiya kára kara wa dɔ sí gə mbəa el, nékarje lə Israɛlje gə́ to gə kəmee lé seḭ a koo deeje gə né gə́ sḭ kari ba el, bèe ɓa seḭ a kwəije ne el tɔ.

Matiyo 23:17

Seḭ mbəje gə́ njékəmtɔje, see ɗi ɓa boi ur dɔ maree’g wa. See to gə́ darɔ larlɔr əsé kəi-Ala gə́ tel larlɔr unda gə kəmee wa.

Tel tura Godndu 11:1

Seḭ a kundaje Ala lə sí dan kəm sí’g ləm, seḭ a kaaje dɔ né gə́ yeḛ un ndia dɔ’g ar sí lé: godnduje ləa ləm, gə ndukunje ləa ləm, gə torndiaje ləm tɔ lé seḭ a kaaje dɔ dee kər-kər gə ndɔ sí ndɔ sí ya.