Ləbije 22:2 - Maktub gə́ To gə Kəmee

² Maji kari ula Aaro̰ gə ŋganeeje mba kar dee d’ɔg rɔ dee dɔ néje gə́ to gə kəmee’d gə́ Israɛlje d’ɔr dee d’unda dee gə kəmee d’am lé ləm, gə mba kar dee d’ila ndɔl dɔ rim’d gə́ to gə kəmee lé el ləm tɔ. Ma m’to Njesigənea̰.

Ləbije 22:2 Iomraidhean Croise

Esdras 8:28

Tɔɓəi ma m’ula dee m’pana: Seḭ lé d’unda sí gə kəmee mbata lə Njesigənea̰ ləm, nékulaje neelé to néje gə́ to gə kəmee ləma, larnda gə larlɔr neelé to nékarje gə́ d’ḭ gə meḛ dee d’ar Njesigənea̰ Ala lə bɔ síje-je ləm tɔ.

Teḛ-Raga 13:12

ndá ŋgondər gə́ rara gə́ d’ojee lé to ŋgondər dəw əsé ŋgondər da-kulje lə sí kara seḭ a kṵdáje gə kəmee kar Njesigənea̰ ya. Ŋgandər daje lə sí lai lé to ka̰ Njesigənea̰ ya.

Teḛ-Raga 28:38

Mbɔr lé to ŋgono̰ Aaro̰’g mba kar Aaro̰ taa ne ta kaiya ra Israɛlje dəa’g loo gə́ yeḛ odo nékarje lə deḛ lai gə́ to gə kəmee aar ne, mbɔr lé a tɔ ŋgonea̰’g ta-ta no̰ Njesigənea̰’g mba kar Njesigənea̰ wa dee ne gə́ rəa’g.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Ejekel 44:8

Seḭ raje kula mee kəi’g lə neḛ gə́ to gə kəmee el nɛ deḛ ɓa seḭ ar deeje taa tor sí ra kula mee kəi’g lə neḛ gə́ to gə kəmee.

Ləbije 15:31

Bèe ɓa seḭ a karje Israɛlje saa ne rɔ dee rəw dɔ néje gə́ ar dee mina̰ ne, nà ɓó lé d’ar kəi ləm gə́ to gə kəmee, gə́ to mbuna dee’g lé tel to né gə́ mina̰ ndá d’a kwəi dan némina̰je’g lə dee ya.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Ləbije 19:12

Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰.

Ləbije 20:3

Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Ləbije 21:6

D’a to dəwje gə́ to gə kəmee doi mbata lə Ala lə dee ləm, d’a ɓar ri Ala lə dee gə́ sḭ el ləm tɔ, mbata deḛ d’inja nékinjanéməsje gə́ ka̰ roo gə́ to nésɔ lə Ala gə́ d’ar Njesigənea̰ ndá d’a to gə kəmeeje doi ya.

Ləbije 22:1

Njesigənea̰ ula Moyis pana:

Ləbije 22:32

Rim gə́ to gə kəmee lé seḭ a kilaje ndɔl dɔ’g el mba karm ma m’to ne gə kəmee doi mbuna Israɛlje’g. Ma m’to Njesigənea̰ gə́ m’ɔr sí m’unda sí gə kəmee ləm,

Bula lə Israɛlje 18:32

Loo gə́ seḭ ɔrje né gə́ maji dum mba̰ ndá né neelé a kar ta kaiya kára kara wa dɔ sí gə mbəa el, nékarje lə Israɛlje gə́ to gə kəmee lé seḭ a koo deeje gə né gə́ sḭ kari ba el, bèe ɓa seḭ a kwəije ne el tɔ.

Tel tura Godndu 15:19

Ŋgandər nékulje lə sí lai gə́ to bàlje gə́ d’oji dee mbuna nékulje’g lə sí gə́ boi-boi əsé gə́ lam-lam lé seḭ a kunda deeje gə kəmee karje Ala lə sí gə́ Njesigənea̰. Ŋgondər maŋg lə sí lé seḭ a raje ne kula el ləm, seḭ a kinjaje bḭ ŋgondər badə lə sí el ləm tɔ.