Ləbije 22:15 - Maktub gə́ To gə Kəmee

¹⁵ Néje gə́ to gə kəmee gə́ Israɛlje d’un d’ula gə́ tar d’ar Njesigənea̰ lé njékinjanéməsje d’a tel kila ndɔl dɔ’g el,

Ləbije 22:15 Iomraidhean Croise

Teḛ-Raga 28:43

Aaro̰ gə ŋganeeje gə́ diŋgam d’a kula kubuje neelé rɔ dee’g loo gə́ d’a kandə mee kəi-kubu-si-Ala’g əsé loo gə́ d’a rəm pər gə́ loo-nékinjaməs’g mba ra kula gə́ wɔji dɔ loo gə́ to gə kəmee, togə́bè ɓa d’a kar ta wa ne dɔ dee el ləm, d’a kwəi ne el ləm tɔ. Yee neelé to godndu gə́ a to gə no̰ mbata lə Aaro̰ gə ŋgakadɔgeeje tɔ.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Ləbije 19:8

Dəw gə́ sɔ da neelé ndá bo̰ kaiya ləa a kɔs təa’g mbata né gə́ d’unda gə kəmee d’ar Njesigənea̰ lé yeḛ aree tel to né gə́ sin kari ba, ndá dəw neelé d’a kɔree mbuna koso-dəwje’g ləa ya.

Ləbije 22:16

néje gə́ to gə kəmee gə́ d’usɔ togə́bè d’ar ta wa ne dɔ dee lé d’a kɔm ne ta kaiya dɔ dee’g ya tɔ, mbata ma m’to Njesigənea̰ gə́ m’ɔr dee m’unda dee gə kəmee lé.

Ləbije 22:9

D’a kaa dɔ godndumje kər-kər nà banelə ta kaiya lə dee a kwa dɔ dee kar dee d’wəi ne mbata kila gə́ d’ila ndɔl dɔ deḛ gə́ to gə kəmee’g lé.

Bula lə Israɛlje 18:32

Loo gə́ seḭ ɔrje né gə́ maji dum mba̰ ndá né neelé a kar ta kaiya kára kara wa dɔ sí gə mbəa el, nékarje lə Israɛlje gə́ to gə kəmee lé seḭ a koo deeje gə né gə́ sḭ kari ba el, bèe ɓa seḭ a kwəije ne el tɔ.