Ləbije 22:11 - Maktub gə́ To gə Kəmee

¹¹ Nɛ ɓər gə́ njekinjanéməs ndogee gə lar a kaskəm sɔ né neelé ləm gə yeḛ gə́ d’ojee mee kəi’g ləa tɔ, d’a sɔ nésɔ ləa-yeḛ ya.

Ləbije 22:11 Iomraidhean Croise

Gḭ-Néje 12:5

Abram un Sarai gə́ to dené ləa gə ŋgolə ŋgokea̰ gə́ diŋgam gə́ Lɔt lé ar d’aw səa na̰’d, tɔɓəi yeḛ odo nékiŋgaje lə deḛ lai gə́ d’iŋga ləm, dəwje lai gə́ d’iŋga dee Haran kara d’ḭ d’aw sə dee na̰’d ləm tɔ. Deḛ d’ḭ gə mba kaw ɓee gə́ Kana̰ ndá deḛ teḛ mee ɓee gə́ Kana̰ lé ya tɔ.

Gḭ-Néje 17:13

Lé riri kara d’a kinja tamɔd yeḛ gə́ d’ojee mee kəi’g ləi ləm, gə yeḛ gə́ ndogee gə lar ləm tɔ. Togə́bè manrɔ ləm gə́ a to darɔ sí’g lé a to manrɔ gə́ to saar-saar gə no̰.

Teḛ-Raga 12:44

Ɓər gə́ ndogee gə lar lé d’a kinja tamɔdee ɓa a sɔ née ɓəi.

Ləbije 21:22

Yeḛ a kaskəm sɔ nésɔ lə Ala ləa ya, néje gə́ to gə kəmee doi ləm, gə néje gə́ to gə kəmee ləm tɔ.

Ləbije 22:12

Njekinjanéməs lé ɓó lé ŋgonee gə́ dené taa yeḛ gə́ ginkojee to njekinjanéməs el ndá yeḛ a sɔ néje gə́ to gə kəmee lé el.

Bula lə Israɛlje 18:9

Aa oo, né gə́ a to kaḭ mbuna néje gə́ to gə kəmee doi’d gə́ to néje gə́ d’a roo el lé ɓa nee: Nékarje lə deḛ lai gə́ to nduji ləm, nénojije lə deḛ lai ləm, nékinjanéməsje lə deḛ lai gə́ to nékoga dɔ kaiya ləma, gə nékinjanéməsje lai gə́ d’inja dee d’am lé ləm tɔ, néje neelé gə́ to gə kəmee doi lé d’a to kaḭ-i gə ka̰ ŋganije tɔ.