Ləbije 22:10 - Maktub gə́ To gə Kəmee

¹⁰ Dəw gə́ to ginkoji’g lə njekinjanéməs el lé a sɔ néje gə́ to gə kəmee lé el, gə́ si mee kəi’g lə njekinjanéməs əsé kura gə́ ra kula mba kiŋga ne lar kara deḛ neelé d’a sɔ néje gə́ to gə kəmee lé el tɔ.

Ləbije 22:10 Iomraidhean Croise

Esdras 2:63

Tɔɓəi njeguburuɓee ula dee mba kar dee d’usɔ néje gə́ to gə kəmee doi el saar kar njekinjanéməs saŋg gə goo urim gə tumim ɓa.

Teḛ-Raga 12:43

Njesigənea̰ ula Moyis gə Aaro̰ pana: Aa ooje, godndu gə́ wɔji dɔ ra naḭ Pag ɓa to nee: Dəw-dɔ-ɓee gə́ rara kara a sɔ née el.

Teḛ-Raga 12:45

Dəw-dɔ-ɓee əsé kura gə́ ra kula lar lé kara a sɔ née el.

Teḛ-Raga 29:33

D’a sɔ né gə́ wɔji dɔ kuga dɔ kaiya togə́bè tɔ, gə mba kɔr dee ne kunda dee gə kəmee ɓəd mbata lə Ala ya ləm, a kunda dee gə kəmee doi ləm tɔ, nɛ dəw-dɔ-ɓee kára kara a sɔ néje neelé el mbata to néje gə́ to gə kəmee ya.

Ejekel 44:8

Seḭ raje kula mee kəi’g lə neḛ gə́ to gə kəmee el nɛ deḛ ɓa seḭ ar deeje taa tor sí ra kula mee kəi’g lə neḛ gə́ to gə kəmee.

Ləbije 21:22

Yeḛ a kaskəm sɔ nésɔ lə Ala ləa ya, néje gə́ to gə kəmee doi ləm, gə néje gə́ to gə kəmee ləm tɔ.

Ləbije 22:13

Nɛ njekinjanéməs gə́ ŋgonee gə́ dené to njekəisiŋga əsé ŋgabeeje tubá gə́ lal ŋganje ɓa tel aw mee kəi’g lə bɔbeeje to gə́ yeḛ nai ne ma̰də ɓəi lé ndá yeḛ a kaskəm sɔ nésɔ lə bɔbeeje ya. Dəw gə́ rara gə́ to gə́ ginkoji’g lə njekinjanéməs el lé a sɔ né neelé el tɔ.

Bula lə Israɛlje 3:10

I a kunda Aaro̰ gə ŋganeeje gə́ diŋgam mba kar dee tɔs kəm dee bao-bao dɔ kula gə́ wɔji dɔ dee loo-nékinjaməs’g lé, dəw gə́ raŋg gə́ aw keneŋ ndá d’a tɔlee gə́ tɔl ya.

Matiyo 12:4

Yeḛ andə aw mee kəi-Ala’g o̰ muru gə́ d’unda keneŋ. To muru gə́ to gə kəmee gə́ kəm karee-yeḛ əsé deḛ gə́ d’aw səa lé d’o̰ el nɛ to mba kar njékinjanéməsje ɓa d’o̰ gə kar dee ba.

1 Samel 21:6

Dabid tel ula njekinjanéməs lé pana: Tɔgərɔ, jeḛ j’ɔg rɔ sí dɔ denéje’g as ndɔ munda to gə́ kédé m’aw ne loo rɔ’g lé, tɔɓəi njérɔje ləm lai lé rɔ dee àr ŋgad-ŋgad ya ləm tɔ, nɛ ɓó lé to néra gə́ ila ndɔl dɔ loo’g kara ɓogənè a tel to né gə́ to gə kəmee mbata lə yeḛ gə́ to njegin né lé.

1 Samel 21:7

Yen ŋga njekinjanéməs lé aree muru gə́ d’unda gə kəmee lé mbata muru gə́ raŋg godo. To muru gə́ to gə kəmee gə́ d’un no̰ Njesigənea̰’g gə́ raŋg gə mba kar yeḛ gə́ nuŋga mee ndəa’g neelé taa toree.