Ləbije 21:22 - Maktub gə́ To gə Kəmee

²² Yeḛ a kaskəm sɔ nésɔ lə Ala ləa ya, néje gə́ to gə kəmee doi ləm, gə néje gə́ to gə kəmee ləm tɔ.

Ləbije 21:22 Iomraidhean Croise

Ləbije 10:12

Moyis ula Aaro̰ gə Eləajar gə Itamar, ŋgalə Aaro̰ gə́ joo gə́ nai lé pana: Unje ges nékar gə́ to nduji gə́ nai mbuna nékinjanéməsje gə́ ka̰ roo dee no̰ Njesigənea̰’g lé aw sɔje lal əm-tiné mbɔr loo-nékinjaməs’g, mbata to né gə́ to gə kəmee doi ya.

Ləbije 10:17

See ban ɓa seḭ sɔje da kuga dɔ kaiya lé mee loo gə́ to gə kəmee’g el wa. To né gə́ to gə kəmee doi ya, tɔɓəi Njesigənea̰ ar sí mba kar sí taaje ne néra kori-korije lə koso-dəwje ɔmje dɔ sí’g ləm, kar sí ugaje ne dɔ dee no̰ Njesigənea̰’g ləm tɔ.

Ləbije 14:13

Yeḛ a kinja gwɔb ŋgon badə loo gə́ d’aw d’inja gwɔb daje gə́ wɔji dɔ ka̰ kuga dɔ kaiya ləm, gə nje gə́ ka̰ roo ləm tɔ keneŋ, loo gə́ to gə kəmee lé, mbata nékinjaməs gə́ wɔji dɔ ta gə́ wa dɔ dəw lé to asəna gə nékinjaməs gə́ wɔji dɔ kuga dɔ kaiya bèe tɔ ndá da neelé to mbata lə njekinjanéməs lé, to né gə́ to gə kəmee doi ya.

Ləbije 2:10

Ges nékar gə́ to nduji gə́ nai lé a to ka̰ Aaro̰ gə ŋganeeje ya, to né gə́ to gə kəmee doi gə́ ur dɔ mareeje’g mbuna nékarje gə́ ka̰ roo no̰ Njesigənea̰’g ya.

Ləbije 2:3

Ges nékar gə́ nai lé a to mbata lə Aaro̰ gə ŋganeeje ya, to né gə́ to gə kəmee doi mbuna nékarje gə́ roo no̰ Njesigənea̰’g ya.

Ləbije 21:23

Nɛ yeḛ a kaw pər gə́ mbɔr kubu gaŋg mee kəi’g el ləm, yeḛ a rəm pər gə́ loo-nékinjaməs’g el ləm tɔ mbata dəb rəa tuji, yeḛ a kula sul dɔ kəi’g ləm gə́ to gə kəmee lé el mbata ma m’to Njesigənea̰ gə́ m’ɔr dee m’unda dee gə kəmee ya.

Ləbije 22:25

Seḭ a ndogoje daje gə́ togə́bè ji dəw-dɔ-ɓee’g kinja gə́ məs gə́ nésɔ lə Ala lə sí el, mbata barkəmrɔ dee gaŋg ləm, rɔ dee ya̰ maree ləm tɔ: d’a taa kəm Njesigənea̰ el tɔ.

Ləbije 22:7

loo gə́ kàr andə mba̰ ndá yeḛ a kàr ɓa, gée gə́ gogo yeḛ a sɔ néje gə́ to gə kəmee lé mbata to nésəa ya.

Ləbije 27:28

Tɔɓəi né gə́ ban-ban gə́ dəw a kun ndia dɔ’g mba kɔree kundá gə kəmee kar Njesigənea̰ mbuna néje’g ləa lé, d’a kaskəm rab ndogo el ləm, əsé kuga dəa el ləm tɔ. Lé to gə́ dəw əsé da əsé loo-ndɔ ləa kara néje lai gə́ dəw un ndia dɔ’g mba kunda gə kəmee neelé a to gə kəmee gə́ ka̰ Njesigənea̰ ya doŋgɔ doi.

Ləbije 6:10

D’a kila mee əb’g lal kila əm-tiné keneŋ. To ges nékarje gə́ ka̰ roo gə́ d’am ma nja ɓa m’ar dee gə́ ka̰ dee-deḛ lé. To né gə́ to gə kəmee doi asəna gə nékinjanéməsje gə́ ka̰ kiŋga meekoso lemsé ləm, gə mba kɔr ne ta gə́ wa dɔ dəw ləm tɔ.

Ləbije 7:1

Aa ooje, godndu gə́ wɔji dɔ nékinjaməs gə́ ka̰ dəw gə́ ta wa dəa lé ɓa nee: To né gə́ to gə kəmee doi ya.

Ləbije 7:6

Ŋgalə njékinjanéməsje lai gə́ diŋgam lé d’a sɔ da neelé, d’a sɔ mee loo gə́ to gə kəmee’g: to né gə́ to gə kəmee doi ya.

Bula lə Israɛlje 18:19

Nékarje lai gə́ to gə kəmee gə́ Israɛlje d’a ree ne kula dee gə́ tar kam ma Njesigənea̰ lé ma m’ari-i seḭ gə ŋganije gə́ diŋgam gə njé gə́ dené səi na̰’d gə goo godndu gə́ to gə no̰ lé. Yee ɓa to manrɔ gə́ loo kunda ŋgaŋgee godo gə́ to gə no̰, no̰ Njesigənea̰’g mbata ləi-i gə mbata lə ŋgakaije səi na̰’d gə́ kédé-kédé ya.

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.