Ləbije 21:15 - Maktub gə́ To gə Kəmee

¹⁵ Yeḛ a kya̰ né gə́ mina dɔ ŋgakeaje-je gə́ gogo mbuna dəwje’g ləa el, mbata ma m’to Njesigənea̰ gə́ m’ɔree m’undá gə kəmee lé ya.

Ləbije 21:15 Iomraidhean Croise

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Esdras 2:62

Deḛ neelé saŋg maktub gə́ wɔji dɔ ginkoji dee nɛ d’iŋga el. Ndá d’ɔg dee dɔ ra kula kḭjanémes’g.

Esdras 9:2

Mbata deḛ taa ŋgan deeje gə́ dené gə́ denéje lə dee ləm, gə taa dee d’ar ŋgan deeje gə́ diŋgam ləm tɔ, yee ɓa deḛ d’ula ne gel koji dee gə́ to gə kəmee lé na̰’d gə ka̰ dəw-mee-ɓeeje neelé ya, ŋgan-mbaije gə njékoogootaje lé ɓa gə́ njé gə́ dɔtar gə́ njéra kaiya neelé.

Teḛ-Raga 34:16

nà banelə seḭ a taaje ŋgan deeje gə́ dené kar ŋgan síje gə́ diŋgam ndá ŋgan deeje gə́ dené lé loo gə́ d’ya̰ rɔ dee dan néje gə́ mina̰’g d’ar magəje lə dee lé d’a ndɔr ŋgan síje gə́ diŋgam kar dee-deḛ kara d’ya̰ rɔ dee dan néje gə́ mina̰’g d’ar magəje lə dee lé tɔ.

Ləbije 19:2

Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya.

Ləbije 20:7

Seḭ a kɔrje rɔ sí kundaje gə kəmee kamje ləm, seḭ a kundaje rɔ sí gə kəmee ləm tɔ mbata ma m’to Njesigənea̰, Ala lə sí ya.

Ləbije 21:14

Yeḛ a taa njekəisiŋga el ləm, əsé dené gə́ ŋgabeeje tubá el ləma, əsé dené gə́ ta kaiya wa dəa əsé kaiya-dené el ləm tɔ, nɛ dené gə́ to ŋgoma̰də gə́ gər ŋgaw el mbuna dəwje’g ləa ɓa yeḛ a təa ɓəi.

Ləbije 21:16

Njesigənea̰ ula Moyis pana:

Ləbije 21:8

Seḭ a kooje njekinjanéməs gə́ dəw gə́ to gə kəmee mbata yeḛ un nésɔ lə Ala lə sí aree, yeḛ a to dəw gə́ to gə kəmee mbata lə sí, mbata ma nja m’to Njesigənea̰ gə́ m’to gə kəmee doi gə́ m’ɔr sí m’unda sí gə kəmee lé ya.

Ləbije 22:16

néje gə́ to gə kəmee gə́ d’usɔ togə́bè d’ar ta wa ne dɔ dee lé d’a kɔm ne ta kaiya dɔ dee’g ya tɔ, mbata ma m’to Njesigənea̰ gə́ m’ɔr dee m’unda dee gə kəmee lé.

Malasi 2:11

Judaje lé d’uba goo manrɔ lə dee d’ya̰ ya. Deḛ ra néraje gə́ ram Jerusalem ləm gə mee ɓee gə́ Israɛl lai ləm tɔ. Mbata né gə́ d’unda gə kəmee d’ar Njesigənea̰ gə́ yeḛ nja unda dan kəmee’g lé Judaje d’ila ndɔl dɔ’g. Deḛ taa denéje gə́ to njépole-magəje.

Malasi 2:15

See Ala tel dee gə́ darɔ sí gə́ kára ba gə ndil sí gə́ kára ba lé el wa. See mbata ɗi ɓa yeḛ ra bèe wa. To mbata yeḛ saŋg ne ŋgaka síje gə́ Ala un ndia gə mba kar sí lé. Bèe ndá arje ndil sí ndəb jèr keneŋ ɓó gə mba kar dəw kára kara uba dené jia gə́ yeḛ təa gə basee lé yá̰ el.

Matiyo 23:17

Seḭ mbəje gə́ njékəmtɔje, see ɗi ɓa boi ur dɔ maree’g wa. See to gə́ darɔ larlɔr əsé kəi-Ala gə́ tel larlɔr unda gə kəmee wa.

Njé gə́ Rɔmə 11:16

Ɓó lé kó néje gə́ dɔtar ya to maji péd-péd ndá geseeje gə́ raŋg kara d’a to maji togə́bè tɔ. Ɓó lé ŋgira kag to ɓṵdu-ɓṵdu ndá barkəmeeje lai kara d’a kuba pur-pur tɔ.

1 Njé gə́ Kɔrḭtə 7:14

Diŋgam gə́ un mée el ɓəi lé mbɔl dɔ dené ɓa yeḛ tel ne dəw gə́ to gə kəmee, dené gə́ un mée el ɓəi kara mbɔl dɔ ŋgabeeje ɓa yeḛ tel ne dəw gə́ to gə kəmee to. Ɓó lé seḭ raje togə́bè ndá ŋgan síje d’a kàr raŋg-raŋg nɛ ɓó lé seḭ raje togə́bè el ndá ŋgan síje d’a kàr el tɔ.