Ləbije 21:10 - Maktub gə́ To gə Kəmee

¹⁰ Ŋgɔ-njekinjanéməs gə́ ur dɔ ŋgakea̰je gə́ d’wa dəa gə ubu ka̰ kɔree kundá ne gə kəmee ləm, gə́ d’ɔree d’undá gə kəmee d’ula kubuje gə́ to gə kəmee rəa’g ləm tɔ lé ndá yeḛ a kya̰ yiŋga dəa lal kɔr gə jara el ləm, a til kubuje ləa rəa’g hao̰-hao̰ el ləm tɔ.

Ləbije 21:10 Iomraidhean Croise

Gḭ-Néje 37:34

Yeḛ wa kubu ləa rəa’g hao̰ til ndá yeḛ tɔ kubu-kwa-ndòo rḛgee’g tɔɓəi yeḛ wa ne ndòo ŋgonee kuree əw yaa̰.

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

Este 6:12

Mardose tel aw tarəwkɔg’d lə mbai ndá Aman ɔd gə tɔgee aw kəi ləa gə kəmndoo ləm, yeḛ ila né dəa’g ləm tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Pakɔsje 133:2

To asəna gə ubu gə́ gadee dum ndogo bèe Gə́ d’wa ne dɔ Aaro̰ D’aree aḭ njal teḛ mbai təa’g ləm, Aḭ njal teḛ ta kubuje’g ləa lé ləm tɔ.

Teḛ-Raga 29:7

I a kun ubu gə́ ka̰ kunda ne né gə kəmee ndá a tər dəa’g.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Ləbije 13:45

Njeba̰ji gə́ doo to rəa’g ndá a tula ŋgisi kubuje ləa rəa’g tɔɓəi a ndisa dəa ŋgori-ŋgori, a tɔ né dɔ təa’g ndá a kila ndia naŋg wəl pana: Rɔm mina̰! Rɔm mina̰!

Ləbije 16:32

Njekinjanéməs gə́ d’wa dəa gə ubu ləm, gə d’ɔree d’undá gə kəmee mba karee taa tor bɔbeeje loo kula nékinjaməs’g ləm tɔ lé ɓa ra né gə mba kuga ne dɔ kaiya lé, yeḛ a kula kubuje gə́ ra gə kúla palégal rəa’g, to kubuje gə́ to gə kəmee ya.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Ləbije 8:12

Yeḛ tər ubu gə́ ka̰ kunda ne né gə kəmee lé dɔ Aaro̰’g mba kundá ne gə kəmee tɔ.

Bula lə Israɛlje 35:25

Boo-dəwje d’a kɔr njetɔl-dəw lé ji njedalba̰’g kilá tar, tɔɓəi d’a karee tel aw mee ɓee-boo gə́ to njo̰loo gə́ yeḛ aḭ aw keneŋ lé tɔ ndá, Yeḛ a si keneŋ saar kar ŋgɔ-njekinjanéməs gə́ deḛ tər ubu gə́ to gə kəmee dəa’g lé wəi ɓa.

Bula lə Israɛlje 6:7

yeḛ a kar rəa mina̰ mbata yoo-bɔbeeje əsé kea̰je əsé ŋgokea̰ gə́ diŋgam əsé yeḛ gə́ dené el mbata ndukun gə́ yeḛ un ar Ala nai dəa’g njaŋg ya ɓəi.

Matiyo 26:65

Yen ŋga ŋgɔ-njekinjanéməs lé wa kubu ləa har-har til ula dee pana: Aa ooje, yeḛ ila ndɔl dɔ Ala’g mba̰. See j’a dəji njékɔrgootaje gə́ raŋg gə mba ɗi tɔɓəi wa.