Ləbije 20:3 - Maktub gə́ To gə Kəmee

³ Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Ləbije 20:3 Iomraidhean Croise

Teḛ-Raga 30:33

Nana ɓa gə́ a ra maree gə́ as səa əsé a kwa ne rɔ dəw-dɔ-ɓee ndá d’a tɔlee gə́ tɔl ya.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ləbije 15:31

Bèe ɓa seḭ a karje Israɛlje saa ne rɔ dee rəw dɔ néje gə́ ar dee mina̰ ne, nà ɓó lé d’ar kəi ləm gə́ to gə kəmee, gə́ to mbuna dee’g lé tel to né gə́ mina̰ ndá d’a kwəi dan némina̰je’g lə dee ya.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Ləbije 19:12

Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰.

Ləbije 20:4

Ɓó lé koso-dəwje gə́ mee ɓee’g neelé d’un kəm dee rəw dɔ dəw’d gə́ njékun ŋgonee kar magə-Molok lé ləm, ɓó lé deḛ tɔlee el ləm tɔ ndá

Ləbije 21:6

D’a to dəwje gə́ to gə kəmee doi mbata lə Ala lə dee ləm, d’a ɓar ri Ala lə dee gə́ sḭ el ləm tɔ, mbata deḛ d’inja nékinjanéməsje gə́ ka̰ roo gə́ to nésɔ lə Ala gə́ d’ar Njesigənea̰ ndá d’a to gə kəmeeje doi ya.

Ləbije 7:20

Dəw gə́ rara gə́ rəa àr lé ɓa a kaskəm sɔ da neelé ya, nana ɓa gə́ rəa mina̰ ɓa sɔ da nékinjaməs gə́ ka̰ kɔm na̰’d sad gə Ala gə́ to ka̰ Njesigənea̰ ya doŋgɔ doi lé ndá d’a kɔree mbuna koso-dəwje’g ləa lé ya.

Ləbije 7:21

Nana ɓa gə́ ɔrɔ rɔ né gə́ mina̰ gə́ to rɔ dəw gə́ rəa mina̰’g, əsé da gə́ mina̰, əsé né gə́ mina̰ gə́ ban-ban ɓa yeḛ sɔ ne da nékinjaməs gə́ ka̰ kɔm na̰’d gə Ala gə́ to ka̰ Njesigənea̰ doŋgɔ doi tɔɓəi lé ndá, debee neelé d’a kɔree mbuna dəwje’g ləa ya.

Bula lə Israɛlje 19:13

Yeḛ gə́ ɔrɔ rɔ nin dəw ɓa ɔr won rəa el ar kəi-kubu lə Njesigənea̰ mina̰ ne ndá debee neelé d’a kɔree mbuna Israɛlje’g. To gə́ yeḛ ar mán togo won rɔ oso dəa’g teŋ el lé ndá yeḛ mina̰ ne ləm, ar rɔ mina̰ ləa kara nai dəa’g ɓəi ləm tɔ.

Bula lə Israɛlje 19:20

Dəw gə́ rəa a mina̰ ɓa ɔr won rəa el ndá d’a kɔree mbuna koso-dəwje’g mbata yeḛ ar kəi-kubu-si-Ala gə́ Njesigənea̰ lé mina̰, mbata mán togo won rɔ oso dəa’g teŋ el ndá yeḛ mina̰ ya.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

1 Piɛrə 3:12

Mbata kəm Mbaidɔmbaije lé to dɔ njémeekarabasurje’g ya, Mbia kara to tag gə mba koo ne tamaji gə́ deḛ ra ya tɔ. Nɛ Mbaidɔmbaije lé kəmee tel wagəsa dɔ njéramajelje’g.