Ləbije 20:25 - Maktub gə́ To gə Kəmee

²⁵ Seḭ a kaaje rɔ sí kər-kər mba gər loo kɔr kəm daje gə́ d’àr gə dee gə́ mina̰ ləm gə yelje gə́ d’àr gə yelje gə́ mina̰ ləm tɔ, mba kar rɔ sí tel mina̰ ne mbata lə daje el ləm, gə yelje el ləma, gə néje gə́ d’ag naŋg gə ta mee dee el ləm tɔ, to gə́ ma m’ndoo sí ne mba kar sí gərje ne deeje gə́ mina̰ lé.

Ləbije 20:25 Iomraidhean Croise

Gḭ-Néje 1:21

Tɔɓəi Ala unda da-manje gə́ boi-boi ləm, gə nékundaje lai gə́ d’aw kəmba dan mán’g, deḛ gə́ manje ɓa teḛ sə dee digi-digi gə gel dee gel dee ləm tɔ. Yeḛ unda yelje lai gə́ d’uba bag dee lé gə gel dee gel dee tɔ. Ndá Ala oo to gə́ néje neelé to maji bèe ya.

Ləbije 10:10

mba kar sí gərje ne loo kɔr kəm né gə́ to gə kəmee gə né gə́ to gə kəmee el ləm, əsé né gə́ mina̰ gə né gə́ àr ŋgad-ŋgad ləm tɔ,

Néra Njékaḭkulaje 10:28

Yeḛ ula dee pana: Seḭ gərje gao, d’ɔg Jib gə́ rara kara loo karee wa kura gə dəw gə́ dɔ ɓee’d gə́ raŋg ləm, d’ɔgee loo kila gɔlee mee kəi’g ləa ləm tɔ. Nɛ Ala am m’oo to gə́ dəw gə́ rara kara m’a ɓaree né gə́ mina̰ əsé né ram el.