Ləbije 20:2 - Maktub gə́ To gə Kəmee

² Ula Israɛlje pana: Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi mee ɓee Israɛl’g wa ŋgonee kára ar magə-Molok ndá kəm tɔlee gə́ tɔl ya: dəw-mee-ɓeeje lé d’a tilá gə kɔri-ər ya.

Ləbije 20:2 Iomraidhean Croise

1 Mbaije 11:7

Yen ŋga Salomo̰ ra loo gə́ ndəw dɔ mbal gə́ to no̰ Jerusalem’g mbata lə magə-Kemos gə́ ar Moabje mina̰ lé ləm, yeḛ ra togə́bè mbata lə magə-Molok gə́ ar Amo̰je mina̰ lé ləm tɔ.

2 Mbaije 17:17

Deḛ d’ɔm ŋgan deeje gə́ diŋgam gə njé gə́ dené dan pər’d ləm, dee d’ya̰ rɔ dee yag dan koo ndil néje’g gə nésukəmlooje’g ləm tɔ, tɔɓəi darɔ dee-deḛ ya kara d’ya̰ ra né néraje gə́ majel kəm Njesigənea̰’g mba kar oŋg ḭ ne səa pu.

2 Mbaije 23:10

Mbai ar Topet gə́ to mee wəl-loo’g lə ŋgalə Hinɔm lé tel to loo gə́ mina̰ gə mba kar dəw roo ŋgonee gə́ diŋgam əsé yeḛ gə́ dené keneŋ mba kula ne rɔnduba dɔ magə gə́ ria lə Molok’g lé el ŋga.

2 Sôrta Gḭka Israɛlje 28:3

yeḛ tuu néje gə́ ə̰də sululu mee wəl-loo’g lə Hinɔmje ləma, yeḛ roo ŋganeeje ndaji ne néraje lə ginkoji dəwje gə raŋg gə́ mina̰ gə́ Njesigənea̰ tuba dee no̰ Israɛlje’g lé ləm tɔ.

2 Sôrta Gḭka Israɛlje 33:6

Yeḛ ɔm ŋganeeje pər’d kəm wəl-loo’g lə Hinɔmje, Yeḛ pole néje gə ndo̰-ərje ləm, yeḛ ra némbeḛje ləma, unda njéɓar ndilje karee gər ne néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne.

Pakɔsje 106:38

Dəwje gə́ ta wa dɔ dee el kara D’ɔm məs dee naŋg Yee ɓa to məs ŋgan deeje gə́ diŋgam gə njé gə́ dené Gə́ d’inja d’ar magəje lə dəwje gə́ Kana̰ lé. Bèe ɓa ɓee lə dee tel to ne né gə́ to kḛji Mbata tɔl gə́ deḛ tɔl dəwje lé.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 7:31

Deḛ ra loo-nékinjaməs mee loo gə́ Topet, mee wəl-loo gə́ Ben-Hinom, gə mba roo ŋgan deeje gə́ diŋgam gə njé gə́ dené keneŋ! To né gə́ ma m’un ndum dɔ’g el ləm, takə̰ji gə́ togə́bè kara ree dɔm’g el ləm tɔ.

Ejekel 20:26

Neḛ n’ar dee mina̰ gə nékarje lə dee loo gə́ deḛ roo ŋgandər deeje lai. Neḛ ndigi kar bo̰ néra dee ɔs ta dee’g togə́bè ləm, neḛ ndigi kar dee gər to gə́ neḛ n’to Njesigənea̰ ləm tɔ.

Ejekel 20:31

Loo gə́ seḭ unje nékarje lə sí ləm, seḭ rooje ŋgan síje ləm tɔ lé ndá seḭ arje rɔ sí mina̰ gə magə-poleje lə sí lai ɓogənè ya ɓəi. Ŋga neḛ lé see n’a kya̰ loo kar gel-bɔje lə Israɛl dəji neḛ ta wa. Neḛ n’to njesikəmba! Mbaidɔmbaije gə́ Njesigənea̰ ɓa pa njaŋg pana: N’a kya̰ loo kar sí dəjije neḛ ta nda̰ el.

Ejekel 23:37

Deḛ d’ya̰ rɔ dee yag dan mɔdkaiya’g ləm, məs wa ji dee mbəgə-mbəgə ləm tɔ, deḛ ra kaiya gə magəje lə dee gə́ mina̰, ŋgan deeje gə́ d’oji d’ar neḛ lé kara deḛ roo dee mba kar dee to nésɔ lə pər lé.

Ejekel 23:39

Deḛ roo ŋgan deeje d’ar magəje lə dee, tɔɓəi mee ndəa’g neelé ya deḛ d’aw mee loo’g lə neḛ gə́ to gə kəmee mba kila ndɔl dɔ’g. Yee gə́ nee ɓa gə́ né gə́ deḛ ra mee kəi’g lə neḛ.

Ləbije 17:13

Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi dan dee’g kara gə́ aw ndo̰ ɓa wa da əsé yel gə́ kəm sɔ ndá yeḛ a kɔm məsee naŋg ləm, a daa naŋg dɔ’g ləm tɔ.

Ləbije 17:15

Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi.

Ləbije 17:8

Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg,

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Ləbije 20:1

Njesigənea̰ ula Moyis pana:

Ləbije 20:27

Ɓó lé diŋgam əsé dené ɓa to njeɓar ndil dəwje gə́ d’wəi əsé njendo̰-ər ndá kəm tɔl deḛ gə́ tɔl ya, d’a tila dee gə kɔri-ər: ndá ta məs dee a kwa dɔ dee-deḛ ya.

Ləbije 24:14

Ar njḛdɔl-Ala neelé teḛ loo-si sí’g gə́ raga, deḛ lai gə́ d’oo tapea neelé d’a kɔm ji dee dəa’g ndá koso-dəwje lai d’a tilá gə kɔri-ər tɔlee.

Ləbije 24:16

Yeḛ gə́ pata ndɔl ne ri Njesigənea̰ ndá, koso-dəwje lai d’a tilá gə kɔri-ər tɔlee. Lé to gə́ dəw-dɔ-ɓee əsé gə́ kojiɓee kara yeḛ a kwəi mbata yeḛ pata ndɔl ne ri Ala ya.

Ləbije 24:23

Moyis ula Israɛlje ta nee ndá deḛ d’ar njḛdɔl-Ala neelé unda loo mee loo-si dee’g teḛ tɔɓəi deḛ tilá gə kɔri-ər tɔ. Israɛlje ra to gə́ Njesigənea̰ un ne ndia ar Moyis lé ya.

Néra Njékaḭkulaje 7:43

Seḭ odoje kəi-kubuje pole né lə Molok ləm, Seḭ odoje néndaji kérèmé gə́ ka̰ magə Rempan ləm tɔ. Yee ɓa gə́ ndil néje gə́ seḭ ndajije gə́ magə-poleje lə sí ya. Togə́bè ndá n’a kodo sí kɔm sí gir ɓee gə́ Babilɔn.

Tel tura Godndu 12:31

Seḭ a raje né gə́ togə́bè el mbata lə Ala lə sí gə́ Njesigənea̰, mbata deḛ lé deḛ pole magəje lə dee, ra ne néje lai gə́ mina̰ gə to kḛji kəm Njesigənea̰’g, ŋgan deeje gə́ diŋgam gə́ njé gə́ dené ya kara deḛ roo dee mba kula ne rɔnduba dɔ magəje’g lə dee tɔ.

Tel tura Godndu 17:2

Banelə mee ɓee-boo gə́ kára mbuna ɓee-booje’d gə́ Ala lə sí gə́ Njesigənea̰ ar sí lé diŋgam əsé dené gə́ ra né gə́ majel kəm Njesigənea̰ Ala’g lə sí al ne dɔ manrɔ ləa sí keneŋ,

Tel tura Godndu 18:10

Maji kar dəw kára kara a kar ŋgonee gə́ diŋgam əsé yeḛ gə́ dené dəs dan pər’g el ləm, njénékooje əsé njétən-kéréméje əsé njémbeḛje d’a godo mbuna sí’g ləma,

Tel tura Godndu 21:21

Bèe ɓa koso-dəwje lai gə́ mee ɓee-boo’g ləa lé d’a tilá gə kɔri-ər tɔlee. Seḭ a raje togə́bè mba kɔrje ne né gə́ majel mbuna sí’g gə mba kar Israɛlje lai d’oo ndá d’a ɓəl ne tɔ.

Tel tura Godndu 22:21

d’a teḛ gə ŋgoma̰də lé tarəwkəi’g lə bɔbeeje ndá koso-dəwje gə́ mee ɓee-boo’g d’a tilá gə kɔri-ər tɔlee mbata yeḛ ra nérɔkul mbuna Israɛlje’g, tel ne rəa gə́ kaiya dené mee kəi’g lə bɔbeeje. Togə́bè ɓa seḭ a kɔrje ne né gə́ majel mbuna sí’g tɔ.