Ləbije 20:17 - Maktub gə́ To gə Kəmee

¹⁷ Ɓó lé diŋgam taa konanee gə́ to ŋgolə bɔbeeje əsé ŋgolə kea̰je ɓa aree to gə́ dené ləa ndá to né gə́ ram: d’a kɔr dee kəm koso-dəwje’g lə dee: mbata yeḛ to gə konanee ndá néra majel ləa neelé a kwa dəa-yeḛ ya.

Ləbije 20:17 Iomraidhean Croise

Gḭ-Néje 20:12

Nɛ lé bèe kara yeḛ to ŋgokɔm gə́ dené tɔgərɔ ya mbata bɔ síjeḛ səa kára ba nɛ ko̰ síje ɓa ɓəd-ɓəd. Yee ɓa m’təa ne gə́ dené ləm gə́ mbəa ya.

2 Samel 13:12

Yeḛ ilá keneŋ pana: Wah, ŋgokɔm, togə́bè el, maji kari ra səm nérɔkul gə́ togə́bè el mbata né gə́ togə́bè lé dəw ra mbuna Israɛlje’g el, to né gə́ kəm ra el.

Teḛ-Raga 30:33

Nana ɓa gə́ a ra maree gə́ as səa əsé a kwa ne rɔ dəw-dɔ-ɓee ndá d’a tɔlee gə́ tɔl ya.

Ejekel 22:11

Mee ɓee-boo’g ləi lé nana kara ra né gə́ mina̰ gə dené lə maree ləm, nana kara ra nékɔb gə məmeeje gə́ dené ar rəa mina̰ ne ləma, nana kara ila rɔkul dɔ ŋgokea̰ gə́ dené gə́ to ŋgolə bɔbeeje ləm tɔ.

Ləbije 18:9

Seḭ a toje gə konan sí, lé to ŋgon mee bɔ síje əsé ŋgon mee ko̰ síje gə́ d’ojee mee kəi’g əsé d’ojee raga kara seḭ a raje səa togə́bè el.

Ləbije 20:16

Ɓó lé dené ar da ndalee ndá kəm tɔl dené gə da neelé na̰’d, d’a tɔl dee gə́ tɔl ya: ta məs dee a kwa dɔ dee-deḛ ya.

Bula lə Israɛlje 5:31

Ŋgabee lé ta a kwa dəa el, nɛ dené lé ɓa bo̰ néra kori-kori ləa a kɔs təa’g ya.

Tel tura Godndu 27:22

Meeko̰ a koso dɔ dəw gə́ to gə kɔnanee gə́ to gə́ ŋgolə bɔbeeje əsé ŋgolə kea̰je. Ndá koso-dəwje lai d’a kila dee keneŋ pana: A to togə́bè ya!