1 Njesigənea̰ ula Moyis pana:
Nana ɓa gə́ aa dɔ godndu Ala ləi kalaŋ el ləm, əsé aa dɔ godndu mbai kalaŋ el ləm tɔ ndá d’a gaŋgta yoo dəa’d gə́ léegəneeya karee wəi ne əsé d’a tubá əsé d’a gaŋg lar dəa’g karee uga əsé d’a kilá daŋgai’g tɔ.
Deḛ ra loo-nékinjaməs mee loo gə́ Topet, mee wəl-loo gə́ Ben-Hinom, gə mba roo ŋgan deeje gə́ diŋgam gə njé gə́ dené keneŋ! To né gə́ ma m’un ndum dɔ’g el ləm, takə̰ji gə́ togə́bè kara ree dɔm’g el ləm tɔ.
I tḭja gwɔs ŋganəmje gə́ diŋgam ar dee ləm, i roo dee ləm tɔ ula ne rɔnduba dɔ dee’g.
Seḭ a kaaje dɔ godndumje, gə dɔ ndukunje ləm lai kər-kər ndá seḭ a raje née tɔ. Ma m’to Njesigənea̰.
Ula Israɛlje pana: Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi mee ɓee Israɛl’g wa ŋgonee kára ar magə-Molok ndá kəm tɔlee gə́ tɔl ya: dəw-mee-ɓeeje lé d’a tilá gə kɔri-ər ya.
See bàl badje gə́ bula digi-digi ləm, Gə ubu gə́ ula kəŋgəŋ-kəŋgəŋ ləm tɔ lé A taa kəm Njesigənea̰ wa. See m’a kun ŋgondərm kuga ne dɔ kal gə́ m’al dɔ godnduje ləm, Gə ŋgan meemje kuga ne dɔ kaiya ləm ləm tɔ wa.
Ɓó lé seḭ ɓəlje Njesigənea̰ ləm, seḭ raje né areeje ləm, seḭ ilaje koji dɔ godndiaje’g ləma, seḭ ɔsje ta lə Njesigənea̰ rəw el ləm tɔ ndá seḭ a naamje kaar Njesigənea̰, Ala’g lə sí, seḭ gə mbai gə́ njeko̰ sí lé na̰’d tɔ.
