Ləbije 2:9 - Maktub gə́ To gə Kəmee

⁹ Njekinjanéməs lé a kɔr né gə́ kəm kolé-mee-dɔ’g lé kédé ɓa a rée loo-nékinjaməs’g ɓəi. To nékar gə́ baḭyee ə̰də lel Njesigənea̰ ya.

Ləbije 2:9 Iomraidhean Croise

Teḛ-Raga 29:18

I a roo bàl badə neelé bura loo-nékinjaməs’g, yee ɓa to nékinjaməs gə́ ka̰ roo kar Njesigənea̰ ləm, to nékinjaməs gə́ ka̰ roo dula-dula gə́ baḭyee ə̰də lel Njesigənea̰ ləm tɔ.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ləbije 1:9

Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 2:16

Njekinjanéməs lé a roo ges kandə kó gə́ kusu ləm, gə ubu ləma, gə né gə́ ə̰də sululu bura ləm tɔ asəna gə nékolé-mee-dɔ’g bèe. Yee ɓa to nékar gə́ ka̰ roo no̰ Njesigənea̰’g lé ya.

Ləbije 2:2

Yeḛ a kaw ne rɔ njékinjanéməsje gə́ to ŋgalə Aaro̰ ndá njekinjanéməs lé a kɔr nduji gə́ ndá léréré gə́ saga ubu dɔ’g neelé, gə né gə́ ə̰də sululu lé bura ya ləm tɔ as ŋgo ji dəw kára ndá yeḛ a rée loo-nékinjaməs’g asəna gə nékolé-mee bèe. To nékar Ala gə́ baḭyee ə̰də lel Njesigənea̰ ya.

Ləbije 2:8

I a ree gə nékar gə́ ra gə néje neelé mba kar Njesigənea̰ ndá i a kar njekinjanéməs ɓa, yeḛ a kaw ne loo-nékinjaməs’g ɓəi.

Ləbije 24:7

I a kɔm bodé kag gə́ ə̰də sululu dɔ loo ndureje’g ndá gée gə́ gogo d’a roo bodé kag neelé tor mbəje’g ləm tɔ.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 5:12

Yeḛ a ree ne kar njekinjanéməs neelé ndá njekinjanéməs lé a kɔr nduji lé as ŋgo jia kára karee to nékolé-mee tɔɓəi yeḛ a roo loo-nékinjaməs’g asəna gə nékar gə́ ka̰ roo no̰ Njesigənea̰’g bèe: to nékar gə́ ka̰ kiŋga meekoso lemsé ya.

Ləbije 6:15

Njekinjanéməs gə́ mbuna ŋgalə Aaro̰’d gə́ d’a gə tər ubu dəa’g gə mba karee taa toree lé yeḛ nja kara a ree gə nékar neelé togə́bè ya tɔ. Yee ɓa to godndu gə́ to gə no̰, no̰ Njesigənea̰’g: d’a roo bura ya.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Bula lə Israɛlje 5:26

Njekinjanéməs a kɔr nékar gə́ to nduji neelé as ŋgo ji dəw kára asəna gə nékolé-mee ndá yeḛ a roo loo nékinjaməs’g. Gée gə́ gogo ndá yeḛ a kar dené lé ai mán lé tɔ.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.