Ləbije 2:16 - Maktub gə́ To gə Kəmee

¹⁶ Njekinjanéməs lé a roo ges kandə kó gə́ kusu ləm, gə ubu ləma, gə né gə́ ə̰də sululu bura ləm tɔ asəna gə nékolé-mee-dɔ’g bèe. Yee ɓa to nékar gə́ ka̰ roo no̰ Njesigənea̰’g lé ya.

Ləbije 2:16 Iomraidhean Croise

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Ləbije 1:9

Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 2:12

Seḭ a kasjekəm kun néje gə́ togə́bè asəna gə nékar gə́ wɔji dɔ dɔmaḭ-kó gə́ dɔtar ya nɛ d’a ree ne loo-nékinjaməs’g asəna gə nékar gə́ baḭyee ə̰də lel bèe lé el.

Ləbije 2:14

Ɓó lé i un nékar gə́ to dɔmaḭ-kó gə́ dɔtar kar Njesigənea̰ ndá i a yɔlè dɔ jḭga kó ləi lé dɔ pər’d ləm a kusu gə́ ndujee ɓa a ree ne ɓəi, yee ɓa gə́ nékar gə́ to dɔmaḭ-kó gə́ dɔtar ya.

Ləbije 2:15

I a kɔm ubu dɔ’g ləm, a kɔm né gə́ ə̰də sululu dɔ’g ləm tɔ, yee ɓa gə́ nékar gə́ to nduji ya.

Ləbije 2:9

Njekinjanéməs lé a kɔr né gə́ kəm kolé-mee-dɔ’g lé kédé ɓa a rée loo-nékinjaməs’g ɓəi. To nékar gə́ baḭyee ə̰də lel Njesigənea̰ ya.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.