Ləbije 2:14 - Maktub gə́ To gə Kəmee

¹⁴ Ɓó lé i un nékar gə́ to dɔmaḭ-kó gə́ dɔtar kar Njesigənea̰ ndá i a yɔlè dɔ jḭga kó ləi lé dɔ pər’d ləm a kusu gə́ ndujee ɓa a ree ne ɓəi, yee ɓa gə́ nékar gə́ to dɔmaḭ-kó gə́ dɔtar ya.

Ləbije 2:14 Iomraidhean Croise

Gḭ-Néje 4:3

Gée gə́ gogo gə kuree ndá Kaḭ un kandə néje gə́ mee ndɔ’g ləa gə́ nékarnoji ar Njesigənea̰.

2 Mbaije 4:42

Dəw kára ḭ Baal-Salisa ree gə muru gə́ ra gə kandə kó gə́ dɔtar ɓa kɔree aree, to pil muru kó-ɔrj rɔ-joo ləm, gə dɔ kó gə́ təb ləm tɔ gə́ yeḛ ula mee ɓɔl’g ləa. Elije pana: Ar dəwje neelé mba kar dee d’o̰.

Ləbije 2:15

I a kɔm ubu dɔ’g ləm, a kɔm né gə́ ə̰də sululu dɔ’g ləm tɔ, yee ɓa gə́ nékar gə́ to nduji ya.

Ləbije 2:16

Njekinjanéməs lé a roo ges kandə kó gə́ kusu ləm, gə ubu ləma, gə né gə́ ə̰də sululu bura ləm tɔ asəna gə nékolé-mee-dɔ’g bèe. Yee ɓa to nékar gə́ ka̰ roo no̰ Njesigənea̰’g lé ya.

Ləbije 22:29

Loo gə́ seḭ a kinjaje nékinjaməs gə́ wɔji dɔ ra Njesigənea̰ oiyo ndá seḭ a raje gə goo rəbee gə́ a taa kəmee ɓa.

Ləbije 23:10

Ula Israɛlje pana: Loo gə́ seḭ a ka̰dje mee ɓee gə́ ma m’ar sí ɓa seḭ injaje kó keneŋ ndá seḭ a reeje gə dɔ kó gə́ doŋgɔr gə́ seḭ injaje lé mba karje njekinjanéməs.

Ləbije 23:13

Nékar gə́ to nduji gə́ seḭ a korèje na̰’d gə nékinjaməs lé a to nduji gə́ ndá léréré as nékwɔji kwɔi-lə-né misa̰ gə́ seḭ a mbɔḭje gə ubu asəna gə nékar gə́ ka̰ roo gə́ baḭyee ə̰də lel Njesigənea̰, tɔɓəi a karje nékar gə́ ka̰ tər naŋg gə́ to mán-nduú gə́ mḭ as litər kára gə́ gesee tɔ.

Ləbije 23:20

Njekinjanéməs a ra da nékinjanéməsje neelé no̰ Njesigənea̰’g mba kunda gə kəmee na̰’d gə muru dɔ kó gə́ doŋgɔr ləm, gə ŋgan badje gə́ joo lé ləm tɔ, d’a kunda dee gə kəmee mbata lə Njesigənea̰ ləm, d’a to ka̰ njekinjanéməs ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Bula lə Israɛlje 28:2

Meḛ sí dɔ rɔ sí’g gə mba kar mee ndəa gə́ d’wɔji njaŋg lé ndá seḭ a reeje nɔm’g gə nékarje ləm ləm, gə nésɔ ləm gə́ to nékinjanéməsje gə́ ka̰ roo gə́ baḭyee ə̰də lelm ləm tɔ.

1 Njé gə́ Kɔrḭtə 15:20

Nɛ ɓasinè lé Kristi teḛ mbuna njé gə́ d’wəi’g ya, yeḛ to ne dəw gə́ doŋgɔr lə deḛ gə́ d’wəi.

Tel tura Godndu 26:2

nana kara a kodo kandə néje gə́ doŋgɔr gə́ yeḛ iŋga dɔ naŋg’d mee ɓee gə́ Ala lə sí gə́ Njesigənea̰ ar sí lé ɓa yeḛ a kɔm mee budu’g kaw ne mee loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g lé.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.