Ləbije 2:11 - Maktub gə́ To gə Kəmee

¹¹ Nékar gə́ to nduji gə́ rara kara gə́ seḭ a gə karje Njesigənea̰ lé əm-tiné a godo keneŋ, mbata seḭ a rooje né gə́ əm-tiné əsé ubu tə̰ji to keneŋ lé mbuna nékarje gə́ ka̰ roo no̰ Njesigənea̰’g lé el.

Ləbije 2:11 Iomraidhean Croise

Teḛ-Raga 23:18

Muru gə́ əm-tiné to keneŋ lé seḭ a reeje ne na̰’d gə məs nékul gə́ seḭ injaje gə́ məs ulaje ne rɔnduba dɔm’g lé el, ubee kara seḭ a ŋgəmje loondul’g saar kar loo àr dɔ’g el ləm tɔ.

Teḛ-Raga 29:25

Gée gə́ gogo i a taa néje neelé ji dee’g ndá, a kɔm dee dɔ nékinjaməs gə́ ka̰ roo’g lé, tɔɓəi i a roo dee dɔ loo-nékinjaməs’g lé. Yee ɓa gə́ nékinjaməs gə́ pər roo dula-dula no̰ Njesigənea̰’d gə́ baḭyee ə̰də lel Njesigənea̰ ya.

Teḛ-Raga 34:25

Muru gə́ əm-tiné to keneŋ lé seḭ a reeje ne na̰’d gə məs nékul gə́ seḭ injaje gə́ məs ulaje ne rɔnduba dɔm’g lé el, nékinjaməs gə́ ka̰ ra naḭ Pag lé seḭ a ŋgəmeeje loondul’g saar kar loo àr dɔ’g el tɔ.

Gosota-Kəmkàrje 24:13

Ŋgonəm, maji kari o̰ ubu tə̰ji mbata to né gə́ maji, Mban-tḛji lé a lel tai’g tɔ.

Gosota-Kəmkàrje 25:16

Ɓó lé i iŋga ubu tə̰ji ndá o̰ aree asi gə́ kas ba ɓa Nà banelə məəi a kɔsi ŋgug kari tɔmé.

Gosota-Kəmkàrje 25:27

Ko̰ ubu tə̰ji yaa̰ lé to maji sur el, Nɛ saŋg rɔnduba lə njé gə́ raŋg lé yee ɓa gə́ nériɓar.

Ləbije 1:13

Yeḛ a togo ŋgan siḭ da lé gə gɔleeje gə man, ndá njekinjanéməs a roo néje neelé lai loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 6:10

D’a kila mee əb’g lal kila əm-tiné keneŋ. To ges nékarje gə́ ka̰ roo gə́ d’am ma nja ɓa m’ar dee gə́ ka̰ dee-deḛ lé. To né gə́ to gə kəmee doi asəna gə nékinjanéməsje gə́ ka̰ kiŋga meekoso lemsé ləm, gə mba kɔr ne ta gə́ wa dɔ dəw ləm tɔ.

Matiyo 16:6

Jeju ula dee pana: Aaje rɔ sí kər-kər dɔ né gə́ ar nduji ti ka̰ Parisiḛje gə Saduseḛje lé.

Mark 8:15

Jeju ndəji dee bər-bər pana: Aaje rɔ sí kər-kər mba kar né gə́ ar nduji ti gə́ ka̰ Parisiḛje gə ka̰ Herɔdə lé tibi mbɔr sí el.

Lugu 12:1

Mee ndəaje’g neelé koso-dəwje bula digi-digi mbo̰ na̰ rəa’g d’uba na̰ tususu ndá Jeju un kudu kula njékwakiláje pana: Aaje rɔ sí kər-kər dɔ né gə́ ar nduji ti’g gə́ ka̰ Parisiḛje gə́ to gə́ néhulai lé.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Njé gə́ Galati 5:9

Né gə́ ar nduji ti lé to gə́ lam ba bèe nɛ ar nduji gə́ loḭ yaa̰ lé ḭ ti ne bura dor-dor.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.