Ləbije 2:1 - Maktub gə́ To gə Kəmee

¹ Loo gə́ dəw a gə kun nékar gə́ to nduji mba kar Njesigənea̰ ndá yeḛ a kun nduji gə́ ndá léréré, yeḛ a kɔm ubu dɔ’g ləm, yeḛ a kɔm né gə́ ə̰də sululu dɔ’g ləm tɔ.

Ləbije 2:1 Iomraidhean Croise

Teḛ-Raga 29:2

I a ra muru gə́ lal əm-tiné ləm, gə mbə gə́ kila gə́ əm-tiné godo keneŋ ɓa saga ubu dɔ’g ləm tɔ, néje neelé i a ra dee gə nduji kó gə́ ndá léréré.

Esai 43:23

Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Esai 66:20

D’a ree gə ŋgako̰ síje lai gə́ d’isi mbuna ginkoji dəwje gə raŋg’g asəna gə nékar Njesigənea̰ lé, d’a ree sə dee dɔ kundaje’g ləm, gə dɔ pusuje’g ləm, gə dɔ topoije’g ləm, gə dɔ kundaje-mulayḛ̀jeje’g ləma, gə dɔ jambalje’g ləm tɔ, kaw ne sə dee saar dɔ mbal’g ləm gə́ to gə kəmee gə́ to Jerusalem asəna gə Israɛlje gə́ ree gə nékarje lə dee mee joje gə́ àr ŋgad-ŋgad mee kəi’g lə Njesigənea̰ bèe tɔ. Njesigənea̰ ɓa pa bèe.

Ejekel 46:20

Yeḛ ulam pana: Lée neelé ɓa njékinjanéməsje d’a kar dee ndiri dakas nékinjanéməsje gə́ ka̰ kɔr ta kaiya gə ka̰ kuga dɔ kaiya keneŋ ləm, lé neelé ɓa d’a ndiri nékarje gə́ ka̰ ndiri keneŋ ləm tɔ ɓó d’a kodo néje neelé kaw ne mee gadloo gə́ raga loo gə́ d’unda koso-dəwje gə kəmee keneŋ lé el.

Joɛl 1:9

Nékarje gə́ to nduji gə́ ndá léréré ləm, Gə nékarje gə́ ka̰ tər naŋg ləm tɔ lé Godo mee kəi’g lə Njesigənea̰, Njékinjanéməsje gə́ to kuraje lə Njesigənea̰ lé D’isi dan kəmndooyoo’g.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Ləbije 14:10

Ndɔ gə́ njekɔm’g jinaijoo lé yeḛ a ree gə ŋgan badje joo gə́ rɔ dee mina̰ el ləm, gə ma̰də badə gə́ ra ləb kára ba gə́ rəa mina̰ el ləm, gə nékar gə́ to nduji gə́ ndá léréré as nékwɔji kwɔi-lə-né jinaijoo gə́ mbɔḭ gə ubu ləma, gə ubu as ges litər kára ləm tɔ.

Ləbije 24:7

I a kɔm bodé kag gə́ ə̰də sululu dɔ loo ndureje’g ndá gée gə́ gogo d’a roo bodé kag neelé tor mbəje’g ləm tɔ.

Ləbije 5:11

Ɓó lé siŋgá as mba karee iŋga dərndaje gə́ joo əsé ŋgan dərkulje gə́ joo lé el ndá yeḛ a ree gə nékar gə́ to nduji gə́ ndá léréré as nékwɔji kwɔi-lə-né sɔ mba karee to nékar gə́ ka̰ kiŋga meekoso lemsé lé, ndá yeḛ a kɔm ubu keneŋ el ləm, né gə́ ə̰də sululu kara a kɔm keneŋ el ləm tɔ mbata to nékar gə́ ka̰ kiŋga meekoso lemsé ba.

Ləbije 6:7

Aa ooje, godndu gə́ wɔji dɔ nékar gə́ to nduji ɓa to nee: Ŋgalə Aaro̰ lé d’a kaw ne no̰ Njesigənea̰’g no̰ loo-nékinjaməs’g lé ya.

Ləbije 9:17

Yeḛ un nékar gə́ to nduji lé ndá ɔr nduji as ŋgo jia kára, tɔɓəi yeḛ roo loo-nékinjaməs’g orè ne gə nékinjaməs gə́ ka̰ roo gə ndɔ rad gə́ ndɔje kára-kára lai lé.

Ləbije 9:4

gə bɔ maŋg gə bàl badə gə́ nékinjaməs gə́ ka̰ kɔm na̰’d ləm tɔ, mba kinja dee no̰ Njesigənea̰’g, tɔɓəi nékar gə́ to nduji-kó gə́ mbɔḭ gə ubu tɔ. Mbata ɓogənè lé Njesigənea̰ a gə teḛ kəm sí’g ya.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Bula lə Israɛlje 18:9

Aa oo, né gə́ a to kaḭ mbuna néje gə́ to gə kəmee doi’d gə́ to néje gə́ d’a roo el lé ɓa nee: Nékarje lə deḛ lai gə́ to nduji ləm, nénojije lə deḛ lai ləm, nékinjanéməsje lə deḛ lai gə́ to nékoga dɔ kaiya ləma, gə nékinjanéməsje lai gə́ d’inja dee d’am lé ləm tɔ, néje neelé gə́ to gə kəmee doi lé d’a to kaḭ-i gə ka̰ ŋganije tɔ.

Bula lə Israɛlje 28:5

tɔɓəi nékar lé a to nduji gə́ ndá léréré as nékwɔji kwɔi-lə-né munda gə́ mbɔḭ gə ubu koiyo gə́ kas as litər kára gə gesee ɓəi tɔ.

Bula lə Israɛlje 29:18

gə nékar gə́ to gə́ nduji ləm, gə nékaije gə́ ka̰ tər naŋg mbata lə bɔ maŋgje ləm, mbata lə bàl badje ləma, gə mbata lə ŋgan badje ləm tɔ, gə goo bula lə dee ləm, gə goo rəbeeje gə́ d’wɔji njaŋg lé ləm tɔ.

Bula lə Israɛlje 7:13

Néje gə́ yeḛ ree ne ɓa to nee: ka-larnda gə́ kwɔi ləa as ŋgan nékwɔji kwɔi-lə-né tɔl-dɔg gə dəa tɔl-munda ləm, bai-larnda gə́ kwɔi ləa as ŋgan nékwɔji kwɔi-lə-né tɔl siri ləm tɔ gə goo nékwɔji-né gə́ wɔji dɔ kəi-kubu gə́ to gə kəmee dɔi, nduji gə́ ndá léréré gə́ mbɔḭ gə ubu rusu néje neelé joo bɔr mbata lə nékar gə́ ka̰ nduji lé tɔ,

Bula lə Israɛlje 7:19

Néje gə́ yeḛ ree ne ɓa to nee: ka-larnda gə́ kwɔi ləa as ŋgan nékwɔji kwɔi-lə-né tɔl-dɔg gə dəa tɔl-munda ləm, bai-larnda gə́ kwɔi ləa as ŋgan nékwɔji kwɔi-lə-né tɔl siri ləm tɔ gə goo nékwɔji-né gə́ wɔji dɔ kəi-kubu gə́ to gə kəmee dɔi lé, nduji gə́ ndá léréré gə́ mbɔḭ gə ubu rusu néje neelé joo bɔr mbata lə nékar gə́ ka̰ nduji lé,

Bula lə Israɛlje 8:8

Gée gə́ gogo d’a kwa bɔ maŋg kára kunda dɔ nékard gə́ wɔji dəa gə́ to nduji gə́ ndá léréré gə́ mbɔḭ gə ubu, tɔɓəi i a kwa bɔ maŋg gə́ raŋg mbata nékinjaməs gə́ ka̰ kuga dɔ kaiya tɔ.

Tagə́maji gə́ Ja̰ ndang 6:35

Jeju ila dee keneŋ pana: Ma m’to muru ko̰ gə́ dəw a si ne gə kəmə lé. Nana ɓa gə́ ree rɔm’g ndá ɓoo a tibi mbɔree pai el ləm, nana ɓa gə́ ɔm mée dɔm’g ndá kṵdaman a tibi mbɔree pai el ləm tɔ.

1 Ja̰ 2:20

Seḭ ɓa yḛ̀, yeḛ gə́ to Njemeenda lé ɔr sí unda sí gə kəmee ndá seḭ lai lé seḭ gərje kankəmta gao tɔ.

1 Ja̰ 2:27

Kɔr gə́ yeḛ ɔr sí unda sí gə kəmee lé nai sə sí ɓəi, yee ɓa seḭ awje ne ndòo njendoo sí né dɔ maree’g el ŋga, nɛ to gə́ ndia gə́ yeḛ tɔr dɔ sí’g lé to né gə́ tɔgərɔ ɓó to né gə́ ŋgɔm el, yeḛ nja ɓa a ndoo sí néje lai lé ndá maji kar sí naije səa gə goo ta gə́ seḭ taaje mba̰ lé tɔ.

Jude 1:20

Seḭ gə́ m’unda sí dan kəm’g lé undaje siŋga sí dɔ maree’g dɔ meekun’g lə sí gə́ to né gə́ to gə kəmee doi ləm, raje ne tamaji gə goo Ndilmeenda gə́ taa meḛ sí lé ləma,

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.