Ləbije 19:19 - Maktub gə́ To gə Kəmee

¹⁹ Seḭ a kaaje dɔ godndumje kər-kər. Nékulje gə́ gel dee ɓəd-ɓəd joo lé seḭ a kila deeje dɔ na̰’d kar dee d’oji ne na̰ el ləm, mee ndɔje lə sí kara seḭ a kodoje koje gə́ gel dee ɓəd-ɓəd joo dubu deeje keneŋ el ləma, seḭ a kulaje kubu gə́ d’ṵji gə kulaje gə́ gel dee ɓəd-ɓəd joo rɔ sí’g el ləm tɔ.

Ləbije 19:19 Iomraidhean Croise

Gḭ-Néje 36:24

Aa ooje, ri ŋgalə Sibeon ɓa to nee: Aja, gə Ana. Ana neelé to yeḛ gə́ iŋga kəm-rəw-manje gə́ nuŋga dɔdilaloo’g, loo gə́ yeḛ ul mulayḛ̀je-je lə bɔbeeje gə́ Sibeon.

2 Samel 13:29

Kuraje lə Absalɔm ra gə Amno̰ to gə́ Absalɔm un ne ndia ar dee lé ya tɔ. Léegəneeya ŋgalə mbaije lai d’ḭ ndá nana kara uba kunda-mulayḛ̀je ləa-ləa ɓa aḭ aw.

2 Samel 18:9

Absalɔm teḛ mbuna njé’g lə Dabid. Yeḛ uba kunda-mulayḛ̀je ləa. Kunda-mulayḛ̀je ləa aw andə səa mbuna kag’d gə́ boi gə́ ria lə térébḭtə ndá yiŋga dɔ Absalɔm kə́ barkəm kag’d lé aree na ne tar rḭdoŋ ndá kunda-mulayḛ̀je ləa lé teḛ gelee’g njal aw yá̰.

1 Mbaije 1:33

Bèe ɓa mbai lé ula dee pana: Arje kuraje lə ɓée síje d’aw sə sí ləm, arje ŋgonəm Salomo̰ uba ko̰ kunda-mulayḛ̀je ləm ləm tɔ ndá awje səa Giho̰ tɔ.

Esdras 2:66

Deḛ d’aw gə kundaje tɔl-siri gə dɔ dee rɔ-munda-giree-misa̰ ləm (736), gə kundaje-mulayḛ̀jeje tɔl-joo gə dɔ dee rɔ-sɔ-giree-mi (245) ləm,

Ləbije 18:4

Ndukunje ləm lé seḭ a raje née ləm, seḭ a kaaje dɔ godndumje ləm tɔ: seḭ a njaaje keneŋ ya. Ma m’to Njesigənea̰, Ala lə sí.

Ləbije 19:37

Seḭ a kaaje dɔ godndumje, gə dɔ ndukunje ləm lai kər-kər ndá seḭ a raje née tɔ. Ma m’to Njesigənea̰.

Ləbije 20:8

Seḭ a kaaje dɔ godndumje kər-kər ləm, seḭ a raje née ləm tɔ. Ma m’to Njesigənea̰ gə́ m’ɔr sí m’unda sí gə kəmee ya.

Ləbije 22:31

Seḭ a kaaje dɔ godndumje kər-kər ləm, seḭ a raje née ləm tɔ. Ma m’to Njesigənea̰.

Ləbije 25:18

Raje godndumje ləm, aaje dɔ ndukunje ləm kər-kər gə mba ra née ləm tɔ, togə́bè ɓa seḭ a síje ne lɔm mee ɓee’g neelé.

Lugu 5:36

Yeḛ ula dee ta kára gə gosota pana: Dəw a kwa ta kubu-kula-rəa’g sigi ɓa til kya̰ kila ne kəm ŋgisi kubu el, ɓó lé yeḛ ra togə́bè ndá kubu gə́ sigi gə́ yeḛ goré kəmee ɔr lé a tuji ləm, ta kubu gə́ sigi gə́ yeḛ uru ne kəm ŋgisi kubu lé ndaji dee a kaw na̰’d el ləm tɔ.

Njé gə́ Rɔmə 11:6

Bèe ndá ɓó lé yeḛ ɔr dee gə goo nojikwa ləa ndá to gə goo kula ra dee el. Ɓó lé bèe el ndá to nojikwa gə́ gəd el. Tɔɓəi ɓó lé yeḛ ɔr dee gə goo kula ra dee ndá to gə́ nojikwa el tɔ. Ɓó lé bèe el ndá to gə́ kula ra gə́ gəd el tɔ.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.