Ləbije 19:15 - Maktub gə́ To gə Kəmee

¹⁵ Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Ləbije 19:15 Iomraidhean Croise

Maktub gə́ wɔji dɔ Jɔb 13:8

See seḭ ndigi ndədje kəm Ala wa. See seḭ ndigi kɔrje kəmta ləa maji gə́ kɔr ba wa.

Maktub gə́ wɔji dɔ Jɔb 32:21

M’a kɔr kəm dəw kára kara gə mbata lə kəmee el ləm, Ma bɔr bèl dəw kára kara el ləm tɔ.

Maktub gə́ wɔji dɔ Jɔb 34:19

Yeḛ ɔr kəm ŋgan-mbaije unda dee ɓəd ləm, Yeḛ oo bao to gə́ ur dɔ njendoo’g el ləm tɔ, Mbata deḛ lai to néje gə́ jia ɓa ra dee.

Pakɔsje 82:2

See ndɔ gə́ ra ɓa seḭ a kəwje rɔ sí gaŋgje rəwta gə́ gə goo rəbee el lé wa. See ndɔ gə́ ra ɓa seḭ a kəwje rɔ sí kɔrje kəm njémeeyèrje lé ɓəi wa.

Teḛ-Raga 18:21

Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ.

Gosota-Kəmkàrje 18:5

Loo-gaŋg-rəwta lé maji koo njemeeyèr gə́ né Mba kila ne ta dɔ njemeekarabasur’g lé bèe el.

Gosota-Kəmkàrje 24:23

Aa ooje, né gə́ raŋg gə́ ḭ rɔ njékəmkàrje’g ya tɔɓəi. Kɔr kəm dəwje loo-gaŋg-rəwta’g lé to sur el.

Gosota-Kəmkàrje 31:9

Maji kari teḛ tai gaŋg ne rəwta gə dɔ najee ləm, Oso gel njenékəmndoo’g gə njendoo’g ləm tɔ.

Ləbije 19:35

Seḭ a raje né gə́ lal najee loo-gaŋg-rəwta’g el ləm, əsé kúla kwɔji ŋgal lə néje el ləm, əsé loo kwɔji kwɔi lə néje el ləma, əsé loo kwɔji né kɔm néje keneŋ el ləm tɔ.

Tagə́maji gə́ Ja̰ ndang 7:24

Né gə́ ooje puduru ba lé maji kar sí gaŋgje rəwta dɔ’g el nɛ gaŋgje rəwta gə dɔ najee ɓa.

Néra Njékaḭkulaje 23:3

Yen ŋga Pool ulá pana: Ala a kundai-i, i gə́ to ndògo gə́ ndá lé. I si keneŋ gə mba ra ta ləm gə goo godndu, nɛ i orè ta godndu lé naŋg més ɓa un ndui ar dee gə mba kar dee d’undam.

Tel tura Godndu 1:17

Seḭ a kɔrje kəm dəwje gə mbata lə maji lə dee loo gaŋg rəwta’g lə sí el, seḭ a kooje ta lə dəw gə́ əḭ el gə dəw gə́ boo asəna-na̰: seḭ a ɓəlje dəw kára kara el mbata rəwta-gaŋg lé to ka̰ Ala ya. Tɔɓəi loo gə́ seḭ iŋgaje ta gə́ kədərə yaa̰ gə́ dum sí ndá seḭ a reeje ne rɔm’g gə mba kam m’oo sə sí gée.

Tel tura Godndu 10:17

Mbata Ala lə sí gə́ Njesigənea̰ to Ala gə́ ur dɔ magəje’g ləm, yeḛ to Mbai gə́ ur dɔ mbaije’g ləm, yeḛ to Ala gə́ boo gə́ ur dɔ loo’g ləm, yeḛ to njesiŋgamoŋ gə́ to ɓəl kədm-kədm ləm, yeḛ ɔr kəm dəw kára kara el ləma, yeḛ taa ne néndogo gel el ləm tɔ,

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

Tel tura Godndu 27:19

Meeko̰ a koso dɔ dəw gə́ buguru dəw-dɔ-ɓee əsé ŋgonal əsé njekəisiŋga loo-gaŋg-rəwta’g. Ndá koso-dəwje lai d’a kila dee keneŋ pana: A to togə́bè ya!