Ləbije 19:13 - Maktub gə́ To gə Kəmee

¹³ Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ.

Ləbije 19:13 Iomraidhean Croise

Maktub gə́ wɔji dɔ Jɔb 17:5

Dəw ɓar kuramareeje gə́ loo-kunda-kəm-néba̰rɔ kai na̰’g, Nɛ kəm ŋganeeje to bibli.

Maktub gə́ wɔji dɔ Jɔb 31:39

Ɓó lé ma m’usɔ kandə néje gə́ keneŋ lal kuga dəa ləma, M’ula kəm njeaje gə́ kédé lé ndòo ləm tɔ ndá

Maktub gə́ wɔji dɔ Jɔb 7:2

To gə́ ɓər lé ndiŋga ndil kwa rəa keneŋ ləm, To gə́ njekula lar unda mée yel dɔ nékoga dɔ jia’g ləm tɔ lé

Teḛ-Raga 20:15

I a ɓogo el.

Teḛ-Raga 22:13

Ɓó lé dəw ndima nékul lə maree ɓa nékul neelé təd barkəmrea əsé wəi nɛ njenékul lé godo lée’g ndá njḛdima nékul lé a kuga ya.

Teḛ-Raga 22:15

Ɓó lé diŋgam ər ŋgoma̰də gə́ njemɔr ləa godo Ɓa to səa ndá Yeḛ a kuga laree ləm, A təa gə́ dené ləm tɔ.

Teḛ-Raga 22:21

Seḭ a kulaje kəm njekəisiŋga əsé ŋgonal ndòo nda̰ el.

Teḛ-Raga 22:7

Ɓó lé d’iŋga njeɓogo neelé el ndá njekəi lé a kaw no̰ Ala’g lé mba kɔr goo ta ləa to gə́ yeḛ lɔm dɔ né lə maree lé gə́ lɔm el.

Gosota-Kəmkàrje 20:10

Kwɔi lə néje ɓəd-ɓəd gə́ joo ləm, Gə némbudu-néje ɓəd-ɓəd gə́ joo ləm tɔ lé Deḛ joo bɔr to néje gə́ mina̰ kəm Njesigənea̰’g.

Gosota-Kəmkàrje 22:22

Wa njendoo né ləa təa mbata to gə́ yeḛ to njendoo el ləm, Buguru njekəmndoo tarəwkɔg’d el ləm tɔ.

Gosota-Kəmkàrje 3:28

Maji kari ula njeboatakəi ləi pana: Aw ɓa gə́ ree ɓəi, Ndá bèlè ɓa m’a kari (né lé) ɓəi, Loo gə́ né to jii’g lé, Maji kari pa bèe el.

Jeremi 22:13

Meeko̰ a koso dɔ yeḛ Gə́ tum gin kəi ləa Gə goo néra gə́ gə dɔ najee el ləm, Gə rɔd ŋgan kəije dɔ na̰’d-na̰’d Gə goo néra gə́ gə goo rəbee el ləma, Gə ar maree ra kula aree kari ba Lal kuga dɔ jia ləm tɔ.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Ejekel 18:7

yeḛ buguru dəw kára kara el ləm, yeḛ tel gə nékɔsnaŋ ar njea ləm, yeḛ taa né gə ɓogo el ləm, yeḛ un muru ləa ar dəw gə́ ɓó tɔlee ləm, yeḛ ula kubu rɔ dəw gə́ aw kudee dum’g ləm,

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 22:29

Koso-dəwje gə́ mee ɓee’g d’ya̰ rɔ dee yag dan néra gə́ kərm-kərm’g ləm, deḛ ɓogo ləm, deḛ d’oré dɔ njénékəmndooje gə njéndooje naŋg ləma, deḛ buguru dəw-dɔ-ɓeeje dɔ néje gə́ wɔji dɔ dee’g ləm tɔ.

Ləbije 25:14

Ɓó lé seḭ raje né arje mar síje ndogo sə sí əsé seḭ kara ndogoje sə dee né tɔ ndá maji kar dəw kára kara mbuna sí’g su ne kəm ŋgokea̰ el.

Ləbije 25:17

Dəw kára kara mbuna sí’g a buguru maree el ləm, seḭ a ɓəlje Ala lə sí ləm tɔ, mbata ma m’to Njesigənea̰, Ala lə sí.

Ləbije 6:3

Njekinjanéməs lé a kula kubu ləa gə́ ŋgal yududu gə́ d’ṵji gə kúla palégal ləm, gə kubu bulaa ləm tɔ ndá yeḛ a kɔr bu pər gə́ roo ne nékinjaməs gə́ ka̰ roo loo-nékinjaməs’g lé kɔm mbɔr loo-nékinjaməs’g lé ya.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 20:8

Loo gə́ kàr andə mba̰ ndá njendɔ-nduú lé ɓar njekaa dɔ néje ləa ulá pana: Ɓar njékulaje lé ɓó gə uga dee, un kudee dɔ deḛ gə́ ree gogo’g lé ɓa teḛ ne dɔ deḛ gə́ ree kédé’g ɓəi.

Mark 10:19

I gər ta godnduje lai gə́ pana: I a ndal mɔdkaiya el ləm, i a tɔl dəw el ləm, i a ɓogo el ləm, i a təd taŋgɔm kunda ta mari’g el ləma, i a buguru mari el ləm tɔ, tədjekag bɔbije gə kɔinje.

Lugu 3:13

Yeḛ tel ila dee keneŋ pana: Né gə́ d’ula sí kula lé seḭ a tədje maree kilaje dɔ’g kára bèe godo.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

1 Timote 5:18

Mbata maktub gə́ to gə kəmee lé pana: Bɔ maŋg gə́ i ila dɔ kó’g mba karee tal ka̰dee lé i a tɔ təa el. Njekula lé a kaskəm kiŋga dɔ jia ya.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.