Ləbije 18:29 - Maktub gə́ To gə Kəmee

²⁹ Mbata deḛ lai gə́ ra né kára mbuna néje gə́ to kḛji’g neelé ndá d’a kɔr dee mbuna koso-dəwje’g lə Israɛl ya.

Ləbije 18:29 Iomraidhean Croise

Teḛ-Raga 12:15

As ndɔ siri lé, seḭ a ko̰je muru gə́ əm-tiné godo keneŋ. Un kudee mee ndəa gə́ dɔtar lé əm-ti muru a godo mee kəije’g lə sí, mbata nana ɓa gə́ o̰ muru gə́ ti lé mee ndəa gə́ dɔtar saar teḛ ndəa gə́ siri lé ndá d’a kɔree mbuna Israɛlje’g gə́ gogo ya.

Teḛ-Raga 30:33

Nana ɓa gə́ a ra maree gə́ as səa əsé a kwa ne rɔ dəw-dɔ-ɓee ndá d’a tɔlee gə́ tɔl ya.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 18:28

Aaje rɔ sí kər-kər nà ɓó lé seḭ arje ɓee neelé mina̰ ndá yee a mbad sí-seḭ to gə́ yee mbad ne ginkoji dəwje gə raŋg gə́ d’isi no̰ sí’g kédé lé tɔ.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Ləbije 20:6

Ɓó lé dəw kára aw rɔ dəw gə́ njesaŋ ndil dəwje gə́ d’wəi əsé rɔ njéndo̰-ərje’g mba pole dee ndá m’a kun kəm rəw dɔ debee’g neelé mba kɔree mbuna dəwje’g ləa.

Ləbije 7:20

Dəw gə́ rara gə́ rəa àr lé ɓa a kaskəm sɔ da neelé ya, nana ɓa gə́ rəa mina̰ ɓa sɔ da nékinjaməs gə́ ka̰ kɔm na̰’d sad gə Ala gə́ to ka̰ Njesigənea̰ ya doŋgɔ doi lé ndá d’a kɔree mbuna koso-dəwje’g ləa lé ya.

Ləbije 7:21

Nana ɓa gə́ ɔrɔ rɔ né gə́ mina̰ gə́ to rɔ dəw gə́ rəa mina̰’g, əsé da gə́ mina̰, əsé né gə́ mina̰ gə́ ban-ban ɓa yeḛ sɔ ne da nékinjaməs gə́ ka̰ kɔm na̰’d gə Ala gə́ to ka̰ Njesigənea̰ doŋgɔ doi tɔɓəi lé ndá, debee neelé d’a kɔree mbuna dəwje’g ləa ya.

Malasi 2:12

Dəw gə́ ra né gə́ togə́bè lé maji kar Njesigənea̰ ɔree gə́ raga. Maji kar Njesigənea̰ ɔree-yeḛ gə njé’g ləa lai mee kəi-kubuje’g lə Jakob ya karee un nékarnoji ar Njesigənea̰ gə́ njeboo-néje lé el.