Ləbije 18:27 - Maktub gə́ To gə Kəmee

²⁷ Mbata néje lai-lai gə́ to kḛji neelé ya ɓa, dəwje gə́ d’isi kédé no̰ sí’g mee ɓee’g neelé ra ya, ndá ɓee neelé mina̰ ne tɔ.

Ləbije 18:27 Iomraidhean Croise

1 Mbaije 14:24

Mee ɓee’g neelé kaiya-diŋgamje gə́ to njéra nérɔkulje taa loo keneŋ pəl-pəl. Deḛ ndaji néje lai gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g lé tɔ.

2 Mbaije 16:3

Yeḛ un dɔ gɔl mbaije gə́ Israɛl ndá ŋgonee ya kara yeḛ rée pər ndaji ne néraje gə́ mina̰ lə ginkoji dəwje gə́ Njesigənea̰ tuba dee no̰ Israɛlje’g lé.

2 Mbaije 21:2

Yeḛ ra né gə́ majel kəm Njesigənea̰’g gə goo néraje gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g kédé lé.

2 Sôrta Gḭka Israɛlje 36:14

Mbai dɔ njékinjanéməsje-je lai gə koso-dəwje lai d’ar kaltaje lə dee ḭ dɔ maree’d gə́ kédé-kédé tɔ, gə goo néje gə́ mina̰ lai gə́ ginkoji dəwje gə raŋg ra lé. Deḛ d’ar kəi lə Njesigənea̰ gə́ yeḛ unda gə kəmee Jerusalem lé tel to né gə́ mina̰ tɔ.

Ejekel 16:50

Deḛ tel to njébeeleje ndá deḛ ra né gə́ mina̰ no̰ neḛ’g. Loo gə́ n’oo néra dee neelé ndá n’ar dee sané pá dɔ naŋg nee.

Ejekel 22:11

Mee ɓee-boo’g ləi lé nana kara ra né gə́ mina̰ gə dené lə maree ləm, nana kara ra nékɔb gə məmeeje gə́ dené ar rəa mina̰ ne ləma, nana kara ila rɔkul dɔ ŋgokea̰ gə́ dené gə́ to ŋgolə bɔbeeje ləm tɔ.

Ojee 9:10

Ma m’iŋga Israɛlje asəna gə kandə nduúje gə́ dɔdilaloo’g bèe ləm, Ma m’oo bɔ síje-je asəna gə kandə kodé gə́ doŋgɔr bèe ləm tɔ. Nɛ deḛ d’aw ndolè goo magə-Baal-Peɔr, Deḛ d’un rɔ dee d’unda gə kəmee d’ar magə gə́ yèr lé Ndá deḛ kara tel to ne né gə́ mina̰ Asəna gə magə neelé gə́ deḛ d’undá dan kəm dee’g bèe tɔ.

Ləbije 18:24

Maji kar sí raje né kára kara mbuna néje’g neelé mba kar rɔ sí mina̰ ne el mbata néje lai neelé ya d’ar ginkoji dəwje gə raŋg gə́ m’a gə tuba dee no̰ sí’g lé mina̰ ne.

Ləbije 18:26

Bèe ndá seḭ a kaaje dɔ godndumje gə dɔ ndukunje ləm kər-kər ləm, seḭ a raje né kára kara mbuna néje gə́ to kḛji’g neelé el ləm tɔ, kojiɓee a ra el ləm, dəw-dɔ-ɓee gə́ si mbuna sí’g kara a ra bèe el ləm tɔ.

Ləbije 18:28

Aaje rɔ sí kər-kər nà ɓó lé seḭ arje ɓee neelé mina̰ ndá yee a mbad sí-seḭ to gə́ yee mbad ne ginkoji dəwje gə raŋg gə́ d’isi no̰ sí’g kédé lé tɔ.

Tel tura Godndu 20:18

gə mba kar dee ndoo sí loo ndaji néje lai gə́ mina̰ gə́ deḛ ra d’ar magəje lə dee lé el ləm, gə mba kar sí raje kaiya ɔsje ne Ala lə sí gə́ Njesigənea̰ rəw el ləm tɔ.

Tel tura Godndu 23:18

Maji kar kaiya-dené kára kara godo mbuna denéje gə́ Israɛl ləm, diŋgamje gə́ njéra nérɔkulje d’a godo mbuna diŋgamje’d gə́ Israɛl ləm tɔ.

Tel tura Godndu 25:16

Mbata nana ɓa gə́ ra néje gə́ kori-kori gə́ togə́bè lé ndá, yeḛ to dəw gə́ mina̰ kəm Njesigənea̰ Ala’g lə sí tɔ.

Tel tura Godndu 27:15

Meeko̰ a koso dɔ dəw gə́ tɔl néndaji əsé ndil né gə́ léḛ gə́ tokə̰ji kəm Njesigənea̰’g ləm, gə́ to kula ra njegər goso kula ləm tɔ ɓa undá loo-kiya’g mba pole lé. Ndá koso-dəwje lai d’a kila dee keneŋ pana: A to togə́bè ya!