Ləbije 18:26 - Maktub gə́ To gə Kəmee

²⁶ Bèe ndá seḭ a kaaje dɔ godndumje gə dɔ ndukunje ləm kər-kər ləm, seḭ a raje né kára kara mbuna néje gə́ to kḛji’g neelé el ləm tɔ, kojiɓee a ra el ləm, dəw-dɔ-ɓee gə́ si mbuna sí’g kara a ra bèe el ləm tɔ.

Ləbije 18:26 Iomraidhean Croise

1 Mbaije 14:24

Mee ɓee’g neelé kaiya-diŋgamje gə́ to njéra nérɔkulje taa loo keneŋ pəl-pəl. Deḛ ndaji néje lai gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g lé tɔ.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 17:8

Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg,

Ləbije 18:25

Ɓee lə dee kara mina̰ ne tɔ ndá m’a kar bo̰ néra dee ɔs ta dee’g, tɔɓəi ɓee neelé a mbad dəwje ləa ləm tɔ.

Ləbije 18:27

Mbata néje lai-lai gə́ to kḛji neelé ya ɓa, dəwje gə́ d’isi kédé no̰ sí’g mee ɓee’g neelé ra ya, ndá ɓee neelé mina̰ ne tɔ.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Ləbije 18:5

Seḭ a kaaje dɔ godndumje ləm, gə ndukunje ləm ləm tɔ: Dəw gə́ ra née ndá a si ne kəmba ya. Ma m’to Njesigənea̰.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Tagə́maji gə́ Ja̰ ndang 14:15

Ɓó lé seḭ ṵdamje dan kəm sí’g ndá aaje dɔ godndum kər-kər ɓa.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.

Tel tura Godndu 4:40

Maji kar sí aaje dɔ godndiaje gə ndukunje ləa gə́ m’tɔji sí ɓogənè mba kar sí síje ne dan rɔlel’g, seḭ gə ŋgan síje gə́ goo sí’g ləm, mba kar ndɔje lə sí d’ḭ ne dɔ maree’g mee ɓee gə́ Ala lə sí gə́ Njesigənea̰ ar sí ləm tɔ.