Ləbije 18:24 - Maktub gə́ To gə Kəmee

²⁴ Maji kar sí raje né kára kara mbuna néje’g neelé mba kar rɔ sí mina̰ ne el mbata néje lai neelé ya d’ar ginkoji dəwje gə raŋg gə́ m’a gə tuba dee no̰ sí’g lé mina̰ ne.

Ləbije 18:24 Iomraidhean Croise

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

2 Sôrta Gḭka Israɛlje 33:2

Yeḛ ra né gə́ majel kəm Njesigənea̰’g gə goo néraje gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g lé.

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Jeremi 44:4

Ma m’ula kuraje ləm lai gə́ to njéteggintaje rɔ sí’g, ma m’ula dee un kudee gə ndɔ rad ya mba kar dee d’ula sí pana: Raje néje gə́ mina̰ gə́ m’ə̰ji dee bəḭ-bəḭ lé el.

Ejekel 36:17

I ŋgon-dəw lé deḛ gə́ to gel-bɔje lə Israɛl lé loo gə́ d’isi mee ɓee’g lə dee ndá panjaa deeje gə néra deeje ar ɓee lə dee mina̰, panjaa dee to nɔm’g asəna gə mina̰ lə dené gə́ ndɔ kwɔməs’g ləa bèe.

Ləbije 18:3

Seḭ a raje né to gə́ njé gə́ Ejiptə loo gə́ seḭ síje keneŋ kédé lé el ləm, seḭ a raje né tana gə néra Kana̰je loo gə́ m’a gə kaw sə sí keneŋ lé el ləm tɔ, seḭ a ndajije néraje lə dee nda̰ el.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Bula lə Israɛlje 35:34

Ɓee gə́ seḭ a kaw síje keneŋ lé to loo gə́ ma nja kara m’a si keneŋ tɔ ndá seḭ a kareje mina̰ el, mbata ma m’to Njesigənea̰ gə́ m’isi mbuna ŋgan Israɛlje’g ya.

1 Njé gə́ Kɔrḭtə 3:17

Ɓó lé dəw tuji kəi-Ala ndá Ala kara a tujee nja tɔ, mbata kəi-Ala lé to kəi gə́ d’unda gə kəmee ləm, seḭje kara seḭ toje kəi-Ala ya ləm tɔ.

Tel tura Godndu 12:31

Seḭ a raje né gə́ togə́bè el mbata lə Ala lə sí gə́ Njesigənea̰, mbata deḛ lé deḛ pole magəje lə dee, ra ne néje lai gə́ mina̰ gə to kḛji kəm Njesigənea̰’g, ŋgan deeje gə́ diŋgam gə́ njé gə́ dené ya kara deḛ roo dee mba kula ne rɔnduba dɔ magəje’g lə dee tɔ.

Tel tura Godndu 18:12

Mbata nana ɓa gə́ ra néje gə́ togə́bè lé yeḛ mina̰ kəm Njesigənea̰’g tɔ, néraje gə́ mina̰ neelé ɓa Ala lə sí gə́ Njesigənea̰ a gə tuba ne ginkoji dəwje gə raŋg neelé no̰ sí’g gə mbəa.

Tel tura Godndu 9:4

Loo gə́ Ala lə sí gə́ Njesigənea̰ a tuba dee no̰ sí’g ndá maji kar sí paje meḛ sí’g pajena: To néra gə́ gə dɔ najee lə sí ɓa Njesigənea̰ ar sí j’a̰dje ne mee ɓee’g neelé paje bèe el, mbata to gə goo meeyèr lə ginkoji dəwje gə raŋg neelé ɓa Njesigənea̰ tuba dee ne no̰ sí’g gə mbəa.

Tel tura Godndu 9:5

To gə goo néra gə́ gə dɔ najee ləm, gə goo meekarabasur lə sí ɓa seḭ a gə ka̰dje ne mee ɓee’g lə dee gə mba kaw taaje gə́ ka̰ sí el, nɛ gə goo meeyèr lə ginkoji dəwje gə raŋg neelé ɓa Ala lə sí gə́ Njesigənea̰ tuba dee ne no̰ sí’g gə mbəa, gə mba kar ta gə́ Njesigənea̰ un ne ndia ar bɔ síje-je, Abrakam gə Isaak gə Jakob lé to ne njaŋg ya.

Njéga̰g-Rəwtaje 20:10

Mbuna ginkoji Israɛlje’g lai lé j’a mbər diŋgamje dɔg dan njé gə́ tɔl’g (100) ləm, gə diŋgamje tɔl (100) dan njé gə́ tɔl-dɔg’d (1.000) ləma, gə diŋgamje tɔl-dɔg (1.000) dan njé gə́ tɔl-dɔg-loo-dɔg’d (10.000) ləm tɔ, deḛ neelé d’a kaw saŋg nésɔ mbata lə njérɔje mba kar loo gə́ d’a tel mba̰ ndá njérɔje lé d’a ra gə njé gə́ Gibea gə́ wɔji dɔ Bḛjamije gə goo nérɔkul gə́ deḛ ra mee ɓee gə́ Israɛl lé ya.

Njéga̰g-Rəwtaje 20:5

Dəwje gə́ Gibea lé d’ḭ gə mba ra səm majel ndá deḛ gugu dɔ kəi gə́ m’to keneŋ loondul’g lé sub. Deḛ d’wɔji-kwɔji tɔlm ndá deḛ mbula gamla-dené ləm saar d’aree wəi.

Njéga̰g-Rəwtaje 20:6

Gelee gə́ nee ɓa ma m’un ne yoo gamla-dené ləm lé m’tḭja m’ŋgaŋ ne dana ɗuguru-ɗuguru m’ula ne dɔ naŋg gə́ to né ka̰ Israɛl lé bura, mbata deḛ ra né gə́ to kḛji gə́ to nékɔb mee ɓee’d gə́ Israɛl ya.