Ləbije 17:8 - Maktub gə́ To gə Kəmee

⁸ Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg,

Ləbije 17:8 Iomraidhean Croise

2 Samel 24:25

Lée neelé Dabid ra loo-nékinjaməs keneŋ ar Njesigənea̰ ndá yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. Togə́bè ɓa Njesigənea̰ ar mée oso né lemsé dɔ ɓee’g ndá yeḛ ar yoo-koso lé əw rəa dɔ Israɛlje’g tɔ.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 17:4

ɓa yeḛ ree ne tarəw kəi-kubu-kiŋga-na̰’g mba karee to nékar Njesigənea̰ no̰ kəi gə́ to gə kəmee’g lə Njesigənea̰ lé el ndá, ta məs a kwa dɔ debee neelé, yeḛ ila məs da lé gə goo rəbee el, ndá d’a kɔree mbuna dəwje’g ləa ya.

Ləbije 17:7

D’a kinja nékinjanéməsje lə dee kar ndilje gə́ yèr gə́ deḛ ndaji ne bàl bya̰je gə mba to ne kaiya dəwje el ŋga. Yee ɓa a to godndu gə́ a to saar-saar gə no̰ mbata lə dee ləm, gə mbata lə ŋgaka deeje ləm tɔ.

Ləbije 17:9

ɓa yeḛ ree ne tarəw kəi-kubu-kiŋga-na̰’g gə mba kḭjá gə́ məs kar Njesigənea̰ el ndá debee neelé d’a kɔree mbuna dəwje’g ləa ya.

Ləbije 3:7

Ɓó lé yeḛ a kinja ŋgon badə gə́ məs ndá yeḛ a kaw ne no̰ Njesigənea̰’g tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Jujé 22:11

Loo gə́ Israɛlje d’oo taree gə́ dəwje pa pana: Aa ooje, Rubḛje, gə Gadje, gə ges ginkoji Manasə, ra loo-nékinjaməs no̰ ɓee gə́ Kana̰, dɔ naŋg ɓee gə́ to ta baa gə́ Jurdɛ̰’g mbɔr ɓee gə́ Israɛl lé ndá,

Jujé 22:15

Deḛ d’aw rɔ Rubḛje’g, gə Gadje’g, gə́ ges ginkoji Manasə’g mee ɓee gə́ Galaad ndá d’un ta d’ula dee pana:

Jujé 22:16

Koso-dəwje lə Njesigənea̰ lai pa togə́bè pana: Kal gə́ seḭ alje ta ta Ala’g lé lə Israɛlje lé see ginee to ɗi wa. See gelee ban ɓa ɓasinè seḭ ubaje Njesigənea̰ yá̰je raje loo-nékinjaməs mba kḭ ne gə Njesigənea̰ ɓogənè kɔsee ne rəw wa.

Njéga̰g-Rəwtaje 6:26

Gée gə́ gogo i a kunda loo-nékinjaməs kar Njesigənea̰, Ala ləi dɔ kɔr mbal’g neelé. I a kwa bɔ maŋg gə́ njekɔm’g joo lé ndá i a kḭjá gə́ nékinjaməs gə́ ka̰ roo gə kag-magə gə́ i kunda təd lé.

1 Samel 10:8

Tɔɓəi i a kḭ nɔm’g kédé kaw Gilgal ndá aa oo, m’a kḭ kaw rɔi’g kaw kinja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. I a ŋgina as ndɔ siri saar kam m’ree rɔi’g gə mba kam m’ulai né gə́ kəm kari ra ɓa.

1 Samel 16:2

Samel pana: See m’a kaw to gə́ ban wa. Sawul a koo taree ndá a tɔlm. Nɛ Njesigənea̰ ulá pana: I a kwa ma̰də maŋg jii’g kaw ne ndá a pana: I ree mba kinja nékinjaməs kar Njesigənea̰.

1 Samel 7:9

Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.