Ləbije 17:7 - Maktub gə́ To gə Kəmee

⁷ D’a kinja nékinjanéməsje lə dee kar ndilje gə́ yèr gə́ deḛ ndaji ne bàl bya̰je gə mba to ne kaiya dəwje el ŋga. Yee ɓa a to godndu gə́ a to saar-saar gə no̰ mbata lə dee ləm, gə mbata lə ŋgaka deeje ləm tɔ.

Ləbije 17:7 Iomraidhean Croise

2 Sôrta Gḭka Israɛlje 11:15

Jeroboam unda njékinjanéməsje mbata lə dɔ looje gə́ ndəw ləm, gə mbata néndaji bàl bya̰je, gə ŋgan maŋgje gə́ yeḛ ra dee lé ləm tɔ.

Pakɔsje 106:37

Ŋgan deeje gə́ diŋgam gə njé gə́ dené lé D’wa dee d’inja dee gə́ məs d’ar magəje.

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Teḛ-Raga 22:19

Dəw gə́ un nékinjanéməsje ar magəje ɓó ar Njesigənea̰ kára ba kiao el ndá debee neelé d’a tɔlee gə́ tɔl ya.

Teḛ-Raga 22:20

Seḭ a kulaje kəm dəw-dɔ-ɓee ndòo el ləm, seḭ a raje səa né gə́ kədərə el ləm tɔ, mbata seḭ kara seḭ toje dəw-dɔ-ɓeeje mee ɓee gə́ Ejiptə’g kédé tɔ.

Teḛ-Raga 27:21

Mee kəi-kubu-kiŋga-na̰’d gə́ to gə kəmee neelé, gir kubu gə́ gaŋg ne mee kəi gə́ to no̰ nékɔrgoota’g lé, lé neelé ɓa Aaro̰ gə ŋganeeje gə́ diŋgam d’a gɔl ubu neelé gə́ mba kar pərndɔje lé d’a ndogó ne no̰ Njesigənea̰’g loondul’g saar kar loo àr. Yee ɓa gə́ godndu gə́ to gə no̰ mbata lə ŋgakadɔg deeje ləm, Israɛlje lé kara d’a kaa dəa kər-kər ləm tɔ.

Teḛ-Raga 32:8

Deḛ d’ḭ gə tɔg dee d’ya̰ goo rəw gə́ m’wɔji dee lé, tɔɓəi deḛ léḛ né ndaji ne ŋgon maŋg ndá d’unda barmba nea̰’g ləm, deḛ d’inja né gə́ məs d’aree ləm tɔ, deḛ pana: Yen Israɛlje! Aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 34:15

Meḛ sí dɔ rɔ sí’g mba kar sí manje rɔ sí gə mba kɔm na̰’d gə njéɓeeje neelé, nà loo gə́ deḛ pole magəje lə dee d’inja néməs d’ar dee ndá d’a ɓar sí ɓar nésɔ mba kar sí sɔje néje gə́ deḛ d’inja dee gə́ məs lé tɔ,

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Ejekel 23:3

Deḛ ra kaiya mee ɓee gə́ Ejiptə, deḛ ra kaiya gə ma̰də dee ba ya, lé neelé ɓa dəwje mam mbà dee keneŋ ləm, mbudu dɔ kum dee keneŋ ləm tɔ.

Ejekel 23:8

Yeḛ ya̰ goo néra kaiya-dené gə́ yeḛ ḭ ne Ejiptə lé el, mbata deḛ to səa gə ma̰dee ba ləm, deḛ mbudu dɔ kumee ləma, deḛ ndɔree dan néra kaiya-déné’g lé ləm tɔ.

Ləbije 17:8

Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg,

Ləbije 20:5

ma nja m’a kun kəm rəw dɔ dəw’g neelé ləm, gə dɔ njémeekəije’g ləa ləm tɔ, tɔɓəi m’a kɔree mbuna koso-dəwje’g ləa na̰’d gə deḛ lai gə́ ndolè gée mba pole ne Molok səa na̰’d togə́bè lé tɔ.

Ləbije 3:17

Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Tagə́maji gə́ Ja̰ ndang 12:31

Ɓasinè rəwta gə́ d’a gə gaŋg dɔ dəwje dɔ naŋg neelé kàree teḛ mba̰ ya. Ɓasinè d’a kwa mbai gə́ njeko̰ naŋg neelé kilá raga ya tɔ.

Tagə́maji gə́ Ja̰ ndang 14:30

M’a koo loo kula sí ta yaa̰ el ŋga, mbata mbai gə́ naŋg neelé si aw gə́ nee. Nɛ yeḛ askəm ra səm né kára el.

1 Njé gə́ Kɔrḭtə 10:20

Ma m’pana: Né gə́ njépole-magəje pole ne magəje lé deḛ d’inja gə́ məs d’ar ndilje gə́ yèr lé ɓó d’ar Ala el. Togə́bè ɓa, ma m’ndigi kar sí ɔmje meḛ sí na̰’d sad gə ndilje gə́ yèr lé el.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

Njé gə́ Epesə 2:2

gə́ seḭ ya̰je rɔ sí keneŋ yag kédé loo gə́ seḭ taaje kila gɔl dəwje gə́ dɔ naŋg nee, ndolèje ne goo mbai gə́ njeko̰ɓee gə́ pən dara gə́ to ndil gə́ ra kula ɓasinè meḛ njékaltaje’g lé ləm tɔ.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

Tel tura Godndu 32:17

Deḛ d’inja néməs d’ar magəje gə́ to Ala el ləm Deḛ d’ar magəje gə́ deḛ gər dee el ləma Deḛ gə́ sigi gə́ ree ɓasinè ɓəi Gə́ bɔ síje-je ɓəl dee el ləm tɔ.

Loo gə́ killa rea kəm Ja̰’g 9:20

Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.