Ləbije 17:5 - Maktub gə́ To gə Kəmee

⁵ Gelee gə́ nee ɓa Israɛlje d’a kinja daje gə́ məs mee looje’g lə dee el nɛ d’a ree sə dee rɔ njekinjanéməs’g no̰ Njesigənea̰’g tarəw kəi-kubu-kiŋga-na̰’g mba kar dee d’inja dee gə́ nékinjanéməsje gə́ ka̰ kɔm na̰’d gə Njesigənea̰ ya.

Ləbije 17:5 Iomraidhean Croise

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

Gḭ-Néje 22:13

Abrakam un kəmee gə́ tar ndá oo bàl badə gə́ tuga gajee ŋgon kag’d. Ndá Abrakam aw wá, ree inja gə́ nékinjaməs roo gə pər taa ne tor ŋgonee lé tɔ.

Gḭ-Néje 22:2

Ala pana: Aw gə Isaak, ŋgoni gə́ kára ba kiao gə́ i undá dan kəmi’g lé. Ɔd aw səa ɓee gə́ Morija ndá lée neelé i a kḭjá gə́ nékinjaməs gə́ ka̰ roo dɔ mbal gə́ m’a gə kulai’g lé ɓəi.

Gḭ-Néje 31:54

Jakob inja nékinjaməs dɔ mbal’g nee ndá yeḛ ɓar njénojije ləa loo nésɔ’g. Bèe ɓa deḛ d’usɔ né ləm, deḛ to dɔ mbal’g neelé loondul’g ləm tɔ.

1 Mbaije 14:23

Deḛ ya kara d’unda dɔ looje gə́ ndəw d’ar néndajije gə magəje mee dɔdərlooje’g lai gə́ d’ḭ tar ləm, gə gel kagje lai gə́ to təb’g ləm tɔ.

1 Mbaije 3:2

Koso-dəwje d’inja nékinjanéməsje dɔ looje gə́ ndəw’g ya kára ba mbata saar mee ndəa’g neelé deḛ ra kəi gə mbata ri Njesigənea̰ el ɓəi.

1 Mbaije 3:3

Salomo̰ unda Njesigənea̰ dan kəmee’g ləm, gə un néraje lə bɔbeeje gə́ Dabid lad ləm tɔ. Nɛ né kára ba lé dɔ looje’d gə́ ndəw ya kára ba ɓa yeḛ inja nékinjanéməsje keneŋ ləm, yeḛ roo néje gə́ ə̰də sululu keneŋ ləm tɔ.

2 Mbaije 16:4

Yeḛ inja nékinjanéməsje gə tuu néje gə́ ə̰də sululu dɔ looje gə́ ndəw’g ləm, gə dɔdərlooje’g ləma, gə gel kagje lai gə́ to təb’g ləm tɔ.

2 Mbaije 17:10

Deḛ d’unda néndajije gə magəje dɔdərlooje’g lai gə́ ndəw ləm, gə gel kagje’g lai gə́ təb ləm tɔ mbata lə dee.

2 Sôrta Gḭka Israɛlje 28:4

Yeḛ inja nékinjanéməsje gə tuu néje gə́ ə̰də sululu dɔ looje gə́ ndəw’g ləm, gə dɔdərlooje’g ləma, gə gel kagje gə́ to təb ləm tɔ.

Teḛ-Raga 24:5

Yeḛ ula basaje gə́ mbuna Israɛlje’g mba kar dee ree gə nékinjanéməsje gə́ ka̰ roo kar Njesigənea̰ ləm, gə mba kar dee tɔl bɔ maŋgje gə́ nékinjanéməsje gə́ ka̰ kɔm na̰’d ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 22:9

Mee ɓee-boo’g ləi lé njékṵda nanije kar dee d’ila ne məs d’isi keneŋ ləm, njé’g ləi d’usɔ né dɔ mbalje’g ləm tɔ, deḛ ra kaiya mee ɓee’g.

Ejekel 43:27

Loo gə́ ndɔje neelé d’a kas lée béréré mba̰ ndá un kudee ndɔ gə́ njekɔm’g jinaijoo saar gə́ kédé lé ndá njékinjanéməsje d’a kinja nékinjaməs gə́ ka̰ roo ləm, gə nékinjanéməsje gə́ ka̰ ra oiyo ləm tɔ dɔ loo-nékinjaməs’g lé. Bèe ɓa n’a ndigi sə sí, Mbaidɔmbaije gə́ Njesigənea̰ ɓa pa bèe.

Ejekel 44:15

Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe.

Ləbije 17:4

ɓa yeḛ ree ne tarəw kəi-kubu-kiŋga-na̰’g mba karee to nékar Njesigənea̰ no̰ kəi gə́ to gə kəmee’g lə Njesigənea̰ lé el ndá, ta məs a kwa dɔ debee neelé, yeḛ ila məs da lé gə goo rəbee el, ndá d’a kɔree mbuna dəwje’g ləa ya.

Ləbije 17:6

Njekinjanéməs a kɔm məs daje dɔ loo-nékinjaməs’g lə Njesigənea̰ gə́ to mbɔr tarəw kəi-kubu-kiŋga-na̰’g, yeḛ a roo ubee ndá baḭyee a kə̰d lel Njesigənea̰ tɔ.

Tel tura Godndu 12:2

Seḭ a tujije looje lai gə́ ginkoji dəwje gə raŋg gə́ seḭ a gə tuba deeje lé ra né keneŋ d’ar magəje lə dee dɔ sém mbalje’g ləm, gə dɔdərlooje’g ləma, gə gel kagje gə́ rara gə́ təb gə́ to rigim ləm tɔ.