Ləbije 16:8 - Maktub gə́ To gə Kəmee

⁸ Ndá Aaro̰ a ra né asəna gə téḛ bèe dɔ bàl bya̰je gə́ joo neelé ndá a kwa yee gə́ kára gə́ ka̰ Njesigənea̰ ləm, yee gə́ kára gə́ ka̰ Ajajel (ndil gə́ yèr gə́ dɔdilaloo’g) ləm tɔ.

Ləbije 16:8 Iomraidhean Croise

Gosota-Kəmkàrje 16:33

D’ɔm néje ta kubu gə́ ŋgal yududu’g D’ɔs ne na̰ mbarè mba gər ne nékəmra, Nɛ kwɔji rəw ra né njaŋg lé Ḭ rɔ Njesigənea̰’g.

Ejekel 48:29

Yee ɓa to ɓee gə́ seḭ a kaije gə goo nékwɔji lée gə́ to asəna gə téḛ bèe kar ginkoji Israɛlje gə́ né ka̰ dee-deḛ, looje neelé ɓa to debeeje gə́ wɔji dɔ dee dɔ dee, Mbaidɔmbaije gə́ Njesigənea̰ ɓa pa bèe.

Ləbije 16:10

Bàl bya̰ gə́ téḛ gə́ wɔji dɔ Ajajel oso dəa’g lé d’a karee aar kəmba no̰ Njesigənea̰’g gə mba karee to nékoga dɔ kaiya ləm, kar dee d’yá̰ d’aree aw dɔdilaloo’g mbata lə Ajajel ləm tɔ.

Ləbije 16:26

Yeḛ gə́ njetuba bàl bya̰ gə́ wɔji dɔ Ajajel lé a togo kubuje ləa ləm, a togo rəa dan mán’g sugu-sugu ləm tɔ, gée gə́ gogo ɓa yeḛ a kandə loo-si dee’g ɓəi.

Ləbije 16:7

Yeḛ a kwa bàl bya̰je gə́ joo neelé tɔɓəi yeḛ a ree sə dee no̰ Njesigənea̰’g tarəw kəi-kubu-kiŋga-na̰’g.

Ləbije 16:9

Aaro̰ a kar dee ree gə bàl bya̰, gə́ téḛ gə́ wɔji dɔ Njesigənea̰ oso dəa’g lé ndá yeḛ a kinja gwɔsee gə́ nékinjaməs gə́ ka̰ kuga dɔ kaiya lé.

Junas 1:7

Deḛ kára-kára lai d’ula na̰ ta gə́ yo gə́ nee pana: Gə́ reeje, ar sí n’raje né asəna gə téḛ bèe gə mba koo see na̰ ɓa ar tuji neelé oso dɔ sí’g wa. Deḛ ra né neelé ndá oso dɔ Junas’g ya ɗəgərə.

Bula lə Israɛlje 26:55

Nɛ d’a kai na̰ ɓee gə goo nékwɔji loo-si dee gə́ nana kara a kun lé, d’a kiŋga gə goo ri ginkoji lə bɔ deeje bɔ deeje ya.

Bula lə Israɛlje 33:54

Seḭ a kaije na̰ ɓeeje neelé gə goo gel-bɔje lə sí gə goo nékwɔji lée ɓa. Deḛ gə́ bula yaa̰ ndá seḭ a gaŋgje boi karee as dɔ bula lə dee gə́ yaa̰ ləm, deḛ gə́ bula lam ba ndá seḭ a gaŋgje lam karee as dɔ bula lə deḛ gə́ lam ba ya ləm tɔ. Nana kara a kiŋga loo gə́ wɔji dəa gə goo nékwɔji lée gə́ yeḛ un lé, seḭ a kiŋgaje gə́ né ka̰ sí-seḭ gə goo ginkojije lə bɔ síje-je.