Ləbije 16:6 - Maktub gə́ To gə Kəmee

⁶ Aaro̰ a kinja bɔ maŋg ləa gə́ nékinjaməs gə́ ka̰ kuga dɔ kaiya ndá yeḛ a kuga ne dɔ kaiya ləa-yeḛ ləm, gə ka̰ njémeekəije ləa ləm tɔ.

Ləbije 16:6 Iomraidhean Croise

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Ejekel 43:19

I a kar njékinjanéməsje gə́ to Ləbije gə́ to gə́ ginka’g lə Sadɔk, deḛ gə́ d’aw rɔ neḛ’g ra né d’ar neḛ lé bɔ maŋg kára gə́ nékinjaməs gə́ ka̰ kuga dɔ kaiya. Mbaidɔmbaije gə́ Njesigənea̰ ɓa pa bèe.

Ejekel 43:27

Loo gə́ ndɔje neelé d’a kas lée béréré mba̰ ndá un kudee ndɔ gə́ njekɔm’g jinaijoo saar gə́ kédé lé ndá njékinjanéməsje d’a kinja nékinjaməs gə́ ka̰ roo ləm, gə nékinjanéməsje gə́ ka̰ ra oiyo ləm tɔ dɔ loo-nékinjaməs’g lé. Bèe ɓa n’a ndigi sə sí, Mbaidɔmbaije gə́ Njesigənea̰ ɓa pa bèe.

Ləbije 16:3

Oo né gə́ Aaro̰ a ra mba kandə ne mee kəi gə́ to gə kəmee’g lé ɓa nee: Yeḛ a kwa bɔ maŋg gə́ nékinjaməs gə́ ka̰ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ.

Ləbije 16:7

Yeḛ a kwa bàl bya̰je gə́ joo neelé tɔɓəi yeḛ a ree sə dee no̰ Njesigənea̰’g tarəw kəi-kubu-kiŋga-na̰’g.

Ləbije 9:7

Moyis ula Aaro̰ pana: Maji kari rəm pər gə́ loo-nékinjaməs’g, ndá inja nékinjaməs ləi gə́ wɔji dɔ kuga dɔ kaiya ləm, gə nékinjaməs ləi gə́ ka̰ roo ləm tɔ, mba kuga ne dɔ kaiya ləi-i ləm, gə ka̰ koso-dəwje ləm tɔ, tɔɓəi i a kinja nékinjaməs lə koso-dəwje mba kuga ne dɔ kaiya lə dee-deḛ to gə́ Njesigənea̰ un ne ndia lé tɔ.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.