Ləbije 16:5 - Maktub gə́ To gə Kəmee

⁵ Yeḛ a taa bàl bya̰je joo ji koso-dəwje’g lə Israɛlje gə́ nékinjaməs gə́ ka̰ kuga ne dɔ kaiya ləm, gə bàl badə kára gə́ nékinjaməs gə́ ka̰ roo ləm tɔ.

Ləbije 16:5 Iomraidhean Croise

2 Sôrta Gḭka Israɛlje 29:21

Deḛ d’inja bɔ maŋgje siri ləm, gə bàl badje siri ləm, gə ŋgan badje siri ləma, gə bàl bya̰je siri ləm tɔ gə́ nékinjaməs gə́ ka̰ kuga dɔ kaiya mbata lə ɓeeko̰ ləm, gə mbata lə loo gə́ to gə kəmee ləma, gə mbata lə Judaje ləm tɔ. Mbai lé un ndia ar njékinjanéməsje gə́ to ŋgaka Aaro̰ gə mba kar dee-deḛ ya d’inja nékinjanéməsje neelé dɔ loo-nékinjaməs’g lə Njesigənea̰.

Esdras 6:17

Nékinjaməsje gə́ d’inja d’unda ne kəi-Ala gə kəmee lé to bɔ maŋgje tɔl (100) kára ləm, bàl badje tɔl joo (200) ləma, ŋgan badje tɔl sɔ (400) ləm tɔ, tɔɓəi nékinjanéməsje gə́ ka̰ kuga dɔ kaiya lə Israɛlje lai lé bàl bya̰je dɔg-giree-joo gə goo bula lə ginkoji Israɛlje.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Ləbije 8:14

Yeḛ ar dee ree gə bɔ maŋg gə́ wɔji dɔ kuga dɔ kaiya ndá Aaro̰ gə ŋganeeje d’ɔm ji dee dɔ bɔ maŋg gə́ ka̰ kuga dɔ kaiya lé tɔ.

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Ləbije 9:2

Yeḛ ula Aaro̰ pana: Maji kari wa ŋgon maŋg gə́ nékinjaməs gə́ wɔji dɔ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ, deḛ joo bɔr gə́ rɔ dee to ndəb-ndəb ɓa i a kinja dee no̰ Njesigənea̰’g.

Bula lə Israɛlje 29:11

Seḭ a kinjaje bàl bya̰ gə́ nékinjaməs gə́ wɔji dɔ kuga dɔ kaiya korèje ne dɔ nékinjaməs gə́ ka̰ kuga dɔ kaiya ləm, gə nékinjaməs gə́ ka̰ roo gə́ ra ta-ta gə́ kédé-kédé ləm, gə nékar gə́ to nduji ləma, gə nékai gə́ ka̰ tər naŋg gə́ ra ta-ta ləm tɔ.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,