Ləbije 16:4 - Maktub gə́ To gə Kəmee

⁴ Yeḛ a kula kubu gə́ to gə kəmee gə́ ŋgal yududu gə́ ra gə kúla palégal ləm, yeḛ a kula kubu bulaa gə́ ra gə kúla palégal rəa’g ləm tɔ, yeḛ a kwa rḛgee gə gagəra gə́ ra gə kúla palégal ləm, a kula dɔgugu gə́ ra gə kúla palégal dəa’g ləm tɔ, to kubuje gə́ d’unda dee gə kəmee doi gə́ yeḛ a kula rəa’g loo gə́ yeḛ a ndogo mán mba̰ lé tɔ.

Ləbije 16:4 Iomraidhean Croise

Teḛ-Raga 28:2

I a ra kubuje gə́ to gə kəmee mbata lə ŋgokɔḭ Aaro̰ mba kula ne rɔnduba dəa’g ləm, mba kundá ne gə kəmee ləm tɔ.

Teḛ-Raga 29:4

I a kar Aaro̰ gə ŋganeeje gə́ diŋgam rəm pər gə́ tarəw kəi-kiŋga-na̰ gə́ to gə kəmee’g ndá i a ndogo dee mán.

Teḛ-Raga 30:20

Loo gə́ d’a gə kandə mee kəi-kubu-kiŋga-na̰’g ndá d’a togo rɔ dee gə mán neelé mba kar dee d’wəi ne el, əsé loo gə́ d’a gə rəm pər gə́ loo-nékinjanéməsje’d gə́ ka̰ roo kar Njesigənea̰ kara d’a ra bèe ləm tɔ.

Teḛ-Raga 40:12

I a kar Aaro̰ gə ŋganeeje gə́ diŋgam d’a rəm pər gə́ tarəw kəi-kubu-kiŋga-na̰’d ndá i a togo dee gə mán.

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Ejekel 44:19

Loo gə́ d’a kunda loo teḛ kaw gadloo gə́ raga rɔ koso-dəwje’g ndá d’a tɔr kubuje gə́ ra ne kula lé kɔm mee ŋgan kəije gə́ wɔji dɔ kəi gə́ to gə kəmee lé, d’a kula kubuje gə́ raŋg ɓó gə mba kunda koso-dəwje gə kəmee gə kubuje lə dee el.

Ejekel 9:2

Yen ŋga aa oo, dəwje misa̰ ree gə tarəwkəi gə́ dɔ maree’g par gə́ dɔgel lé, nana kara nétujiloo ləa to jia’g-jia’g. Dəw kára mbuna dee’g ula kubu gə́ d’ṵji gə kúla palégal rəa’g ləm, ula néndaŋ-maktub ndar’d gə́ tɔ ne ɓəree ləm tɔ. Deḛ ree d’aar mbɔr loo-nékinjaməs’d gə́ ra gə larkas lé.

Ləbije 16:23

Aaro̰ a kandə mee kəi-kubu-kiŋga-na̰’g, ndá a tɔr kubuje ləa gə́ ra gə kúla palégal gə́ yeḛ ula rəa’g ɓa andə ne mee kəi gə́ to gə kəmee’g ɓəi lé kɔm naŋg.

Ləbije 16:24

Yeḛ a ndogo mán mee loo gə́ to gə kəmee’g ndá a tel kula kubuje ləa rəa’g gogo tɔ. Tɔɓəi yeḛ a kunda loo teḛ ndá a kinja nékinjaməs ləa gə́ ka̰ roo lé ləm, gə nékinjaməs lə koso-dəwje gə́ ka̰ roo lé ləm tɔ, bèe ɓa yeḛ a ra né gə́ gə mba kuga ne dɔ kaiya ləa-yeḛ ləm gə ka̰ koso-dəwje lé ləm tɔ.

Ləbije 16:32

Njekinjanéməs gə́ d’wa dəa gə ubu ləm, gə d’ɔree d’undá gə kəmee mba karee taa tor bɔbeeje loo kula nékinjaməs’g ləm tɔ lé ɓa ra né gə mba kuga ne dɔ kaiya lé, yeḛ a kula kubuje gə́ ra gə kúla palégal rəa’g, to kubuje gə́ to gə kəmee ya.

Ləbije 6:10

D’a kila mee əb’g lal kila əm-tiné keneŋ. To ges nékarje gə́ ka̰ roo gə́ d’am ma nja ɓa m’ar dee gə́ ka̰ dee-deḛ lé. To né gə́ to gə kəmee doi asəna gə nékinjanéməsje gə́ ka̰ kiŋga meekoso lemsé ləm, gə mba kɔr ne ta gə́ wa dɔ dəw ləm tɔ.

Ləbije 6:3

Njekinjanéməs lé a kula kubu ləa gə́ ŋgal yududu gə́ d’ṵji gə kúla palégal ləm, gə kubu bulaa ləm tɔ ndá yeḛ a kɔr bu pər gə́ roo ne nékinjaməs gə́ ka̰ roo loo-nékinjaməs’g lé kɔm mbɔr loo-nékinjaməs’g lé ya.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Njé gə́ Pilibə 2:7

Yeḛ ɔr mbai dɔ rəa’g, ra rəa gə́ kura, tel rəa tana gə dəwje teḛ ne kəm dee’g ɔm ne sə dee na̰’d sad. Yeḛ teḛ kəm dee’g to gə́ gar deḛ gə́ dəw bèe,

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.