Ləbije 16:33 - Maktub gə́ To gə Kəmee

³³ Yeḛ a ra né mba kɔr ne ndɔl kaiya dɔ kəi gə́ to gə kəmee doi’g lé ləm, yeḛ a kɔr ne ndɔl kaiya dɔ kəi-kubu-kiŋga-na̰’g ləm, gə dɔ loo-nékinjaməs’g ləm, yeḛ a ra né mba kuga ne dɔ kaiya lə njékinjanéməsje ləma, gə ka̰ koso-dəwje lai ləm tɔ.

Ləbije 16:33 Iomraidhean Croise

Ejekel 45:18

Mbaidɔmbaije gə́ Njesigənea̰ ɓa pa togə́bè pana: Naḭ gə́ dɔtar ra ndɔ kára ndá d’a kwa bɔ maŋg gə́ rəa maji péd-péd ndá d’a kḭjá gə́ məs mba kɔr ne won loo gə́ to gə kəmee.

Ləbije 16:11

Aaro̰ a kinja bɔ maŋg ləa gə́ ka̰ kuga dɔ kaiya lé ndá yeḛ a kuga ne dɔ kaiya ləa-yeḛ ləm gə ka̰ njémeekəije ləa ləm tɔ. Yeḛ a kinja gwɔb bɔ maŋg ləa gə́ ka̰ kuga dɔ kaiya ləa-yeḛ lé togə́bè ya.

Ləbije 16:16

Yee gə́ bèe ɓa yeḛ a ra ne né mba kɔr ne ndɔl kaiya dɔ kəi gə́ to gə kəmee’g gə mbata lə néraje gə́ mina̰ lə Israɛlje ləm, gə kaltaje lə deḛ lai gə́ deḛ ra ne kaiya ləm tɔ. Yeḛ a ra togə́bè mbata lə kəi-kubu-kiŋga-na̰ lə Israɛlje gə́ to mbuna dee’g dan néraje’g lə dee gə́ mina̰ lé tɔ.

Ləbije 16:24

Yeḛ a ndogo mán mee loo gə́ to gə kəmee’g ndá a tel kula kubuje ləa rəa’g gogo tɔ. Tɔɓəi yeḛ a kunda loo teḛ ndá a kinja nékinjaməs ləa gə́ ka̰ roo lé ləm, gə nékinjaməs lə koso-dəwje gə́ ka̰ roo lé ləm tɔ, bèe ɓa yeḛ a ra né gə́ gə mba kuga ne dɔ kaiya ləa-yeḛ ləm gə ka̰ koso-dəwje lé ləm tɔ.

Ləbije 16:6

Aaro̰ a kinja bɔ maŋg ləa gə́ nékinjaməs gə́ ka̰ kuga dɔ kaiya ndá yeḛ a kuga ne dɔ kaiya ləa-yeḛ ləm, gə ka̰ njémeekəije ləa ləm tɔ.

Ləbije 23:28

Seḭ a raje kula kára kara mee ndəa’g neelé el mbata to ndɔ gə́ wɔji dɔ kiŋga meekoso lemsé dɔ kaiya gə́ ka̰ kuga ne dɔ kaiyaje lə sí no̰ Njesigənea̰’g tɔ.