Ləbije 16:29 - Maktub gə́ To gə Kəmee

²⁹ Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 16:29 Iomraidhean Croise

1 Mbaije 8:2

Diŋgamje lai gə́ Israɛl mbo̰ dɔ na̰ rɔ mbai Salomo̰’g mee naḭ Etanim gə́ to naḭ gə́ njekɔm’g siri mee ndɔ ra naḭ’g lé.

Esdras 3:1

Naḭ gə́ njekɔm’g siri, loo gə́ Israɛlje d’isi mee ɓee-booje’g lə dee lə dee mba̰ ndá koso-dəwje ree mbo̰ dɔ na̰ Jerusalem asəna gə dəw gə́ kára ba bèe.

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Pakɔsje 35:13

Ma lé loo gə́ deḛ ɓa d’oso gə rɔko̰ ndá M’ula kubu-kwa-ndòo rɔm’g ləm, M’oso kul m’ɔg məəm ɓó ləma, M’ula dɔm naŋg mbur-mbur m’ra ne tamaji ləm tɔ.

Pakɔsje 69:10

Mbata ŋgur kəi ləi gə́ ram ŋgwɔd-ŋgwɔd lé Sɔ siŋgam yɔm-yɔm ləm, Deḛ gə́ d’ula sul dɔi’g lé Ta ndɔlje lə dee lé oso dɔm’g ya ləm tɔ.

Teḛ-Raga 12:16

Ndɔ gə́ dɔtar lé a to ndɔ mbo̰ dɔ na̰ lə sí gə́ to gə kəmee ləm tɔ. Mee ndəaje’g neelé seḭ a raje kula kára kara keneŋ el, nɛ seḭ a raje nésɔ lə sí lə sí ɓa.

Teḛ-Raga 20:10

Nɛ ndɔ gə́ njekɔm’g siri lé to ndɔ-kwa-rɔ gə́ ka̰ Ala ləi gə́ Njesigənea̰, I a ra kula kára kara keneŋ el, i əsé ŋgoni gə́ diŋgam əsé yeḛ gə́ dené əsé kura ləi gə́ diŋgam əsé yeḛ gə́ dené əsé nékulje ləi əsé dəw-dɔ-ɓee gə́ ree si mee ɓee’g ləi kara a ra kula mee ndɔ’g neelé el.

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Teḛ-Raga 31:14

Seḭ a kaaje dɔ ndɔ-kwa-rɔ lé kər-kər mbata yee a to né gə́ to gə kəmee mbata lə sí. Dəw gə́ rara ɓa gə́ ula sul dɔ’g ndá d’a tɔlee gə́ tɔl ya, dəw gə́ rara ɓa gə́ ra kula gə́ ban-ban kara mee ndəa’g neelé ndá d’a karee udu bo̰ mbuna dəwje’g ləa ləm tɔ.

Teḛ-Raga 31:15

D’a ra kula ndɔ dee misa̰, nɛ ndɔ gə́ njekɔm’g siri to ndɔ-kwa-rɔ, to ndɔ-kwa-rɔ gə́ d’unda gə kəmee d’ar Njesigənea̰. Dəw gə́ rara ɓa a ra kula gə́ ban-ban kara ndɔ-kwa-rɔ’g lé d’a tɔlee gə́ tɔl ya.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Esai 58:3

Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Esai 58:5

See yee ɓa gə́ kɔg-mee-ɓoo gə́ taa kəm Mee ndəa gə́ dəw ula ne kəm rəa ndòo lé wa. Kula dɔ to gə́ ŋgawlal bèe ləm, Gə kula kubu-kwa-ndòo Rogo ne bu-pər’g ləm tɔ lé See yee neelé ɓa i ɓaree kɔg-mee-ɓoo ləm, Gə ndɔ gə́ lel Njesigənea̰ ləm tɔ wa.

Loo gə́ killa rea kəm Daniel’g 10:12

Yeḛ ulam pana: I Daniel lé, maji kari ɓəl el. Mbata un kudee mee ndɔ gə́ dɔtar gə́ i wa məəi kɔgərɔ mba koo gin ta ləm, gə mba koso kul no̰ Ala’g lé ləi ləm tɔ ndá Ala oo ne taje ləi ya. Yee ɓa ma m’ree ne gə mbata taje ləi ya.

Loo gə́ killa rea kəm Daniel’g 10:3

Ma m’usɔ nésɔ gə́ lel kára kara el ləm, da əsé mán-nduú gə́ mḭ uba tam el ləma, m’wa rɔm gə ubu el ləm tɔ saar mee ndəaje gə́ siri-siri gɔl munda lé as lée’g ɓa.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Ləbije 23:36

As ndɔ siri lé, seḭ a kinjaje nékinjanéməsje gə́ ka̰ roo karje Njesigənea̰. Ndɔ gə́ njekɔm’g jinaijoo lé seḭ a mbo̰je dɔ na̰ kwamje meḛ sí’g ləm, seḭ a kinjaje nékinjaməs gə́ ka̰ roo karje Njesigənea̰ ləm tɔ, a to ndɔ kwa dɔ na̰ gə́ to gə kəmee ndá seḭ a raje kula gə́ seḭ aw raje ta-ta lé el.

Ləbije 25:9

Ndɔ dɔg lə naḭ gə́ njekɔm’g siri lé seḭ a karje ndu to̰to̰ ɓar ɔr loo lɔi-lɔi, ndɔ kiŋga meekoso lemsé dɔ kaiya’g lé kara seḭ a kimje to̰to̰ gə looje lai-lai mee ɓee’g lə sí tɔ.

Ləbije 3:17

Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Bula lə Israɛlje 29:7

Ndɔ gə́ njekɔm’g dɔg lə naḭ gə́ njekɔm’g siri neelé a to ndɔ mbo̰ dɔ na̰ lə sí gə́ to gə kəmee, seḭ a ndiŋgaje ndòo dɔ rɔ sí’g: ndá seḭ a raje kula gə́ seḭ aw raje ta-ta lé el.

Néra Njékaḭkulaje 27:9

Kaw gə́ j’aw bèe lé kur sí əw keneŋ ar kaw rəw gə́ mán lé to yoo mbata naḭ kɔg-mee-ɓoo lé kara dəs mba̰.

1 Njé gə́ Kɔrḭtə 11:31

Ɓó lé jeḛ nani dɔ néra sí j’udu ne dəa ndá d’a kila ta dɔ sí’g el.

Ǝbrəje 4:10

Mbata yeḛ gə́ andə loo-kwa-rɔ’g lə Ala lé yeḛ wa rəa dɔ kula’g ləa to gə́ Ala kara wa ne rəa dɔ kea̰-yeḛ’g bèe tɔ.

1 Samel 7:6

Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.