Ləbije 16:21 - Maktub gə́ To gə Kəmee

²¹ Aaro̰ a kodo jia bɔr kɔm dɔ bàl bya̰ gə́ nai kəmba’g lé ndá yeḛ a teggin kaiyaje lə Israɛlje lai ləm, gə kaltaje lə deḛ lai gə́ deḛ ra ne kaiya ləm tɔ lé kɔm dɔ bàl bya̰’g neelé, yeḛ a kɔm dee dɔ bàl bya̰’g neelé tɔɓəi yeḛ a tubá kar dəw kára gə́ kula nee wɔji dəa lé aw səa ilá par gə́ dɔdilaloo’g.

Ləbije 16:21 Iomraidhean Croise

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Pakɔsje 32:5

M’teggin kaiya ram m’ari ya. M’iya səi dɔ néra kori-kori ləm el tɔ, M’pana: M’a riba dɔ kaltaje ləm pərəg no̰ Njesigənea̰’g, Bèe ɓa i tuji bo̰ néra kaiya ləm gə́ a gə kɔs tam’g lé.

Pakɔsje 51:3

Ǝi Ala, i gə́ to njemeemaji, Maji kari oo kəm lootondoo’g Ndá tuji kaltaje ləm gə goo boo-meekɔrjol ləi.

Teḛ-Raga 29:10

D’a ree gə bɔ maŋg no̰ kəi-kubu-kiŋga-na̰ gə́ to gə kəmee’g ndá Aaro̰ gə ŋganeeje gə́ diŋgam d’a kila ji dee dɔ bɔ maŋg’g neelé.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Ləbije 1:4

Yeḛ a kila jia dɔ nékinjaməs gə́ ka̰ roo’g neelé ndá a taa ne kəm Njesigənea̰ mba karee ɔr ne ta dɔ debee’g neelé ya.

Ləbije 16:20

Loo gə́ yeḛ tɔl kula gə́ wɔji dɔ kɔr ndɔl kaiya dɔ kəi gə́ to gə kəmee’g ləm, gə dɔ kəi-kubu-kiŋga-na̰’g ləma, gə dɔ loo-nékinjaməs’g ləm tɔ ndá yeḛ a kar dee ree gə bàl bya̰ gə́ nai kəmba lé.

Ləbije 16:22

Bàl bya̰ lé a kodo kaiyaje lə deḛ lai dəa’g ndá a kaw ne mee loo gə́ dəw ra ɓee keneŋ el, yeḛ tubá ilá dɔdilaloo’g togə́bè ya.

Ləbije 26:40

Nɛ d’a teggin néra kori-korije lə dee-deḛ gə ka̰ bɔ deeje-je gə́ raga ləm, gə kuba gə́ d’ubam d’ya̰’m lé ləma, gə kɔs gə́ deḛ d’ɔsm rəw lé ləm tɔ,

Ləbije 5:5

Togə́bè nana ɓa gə́ ar ta kára mbuna taje’g neelé wa dəa ndá a teggin kaiya ləa gə́ raga tɔ.

Njé gə́ Rɔmə 10:10

Mbata meekun gə́ gəd ɓa dəw a to ne njemeekarabasur ləm, ta meekun neelé gə́ teḛ təa’g lé yeḛ a kiŋga ne kaji ləm tɔ gə goo ta gə́ to maktub gə́ to gə kəmee lé pana:

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.