Ləbije 16:17 - Maktub gə́ To gə Kəmee

¹⁷ Loo gə́ yeḛ a kandə mee kəi-kubu-kiŋga-na̰ gə́ to gə kəmee’g mba kuga dɔ kaiya mee kəi gə́ to gə kəmee’g lé dəw kára kara a kaar mee kəi-kubu-kiŋga-na̰’g lé el saar karee unda loo teḛ raga. Yeḛ a ra né mba kuga ne dɔ kaiya ləa-yeḛ ləm, gə ka̰ njémeekəije ləa ləma, gə ka̰ koso-dəwje gə́ Israɛl lai ləm tɔ.

Ləbije 16:17 Iomraidhean Croise

1 Sôrta Gḭka-Israɛlje 6:34

Aaro̰ gə ŋgakeaje lé deḛ d’inja nékinjanéməsje dɔ loo-nékinjaməs’d gə́ to ka̰ roo ləm, deḛ tuu né gə́ ə̰də sululu dɔ loo-nékinjaməs’g ləm tɔ, deḛ ra kulaje lai neelé mee loo gə́ to gə kəmee doi’g d’uga ne dɔ kaiyaje lə Israɛlje gə goo taje lai gə́ Moyis, kura lə Ala un ndia dɔ’g ar dee lé tɔ.

Teḛ-Raga 34:3

Maji kar dəw kára kara al aw səi na̰’d el ləm, dəw kára kara a teḛ kaar dɔ mbal’g neelé el ləm tɔ, badje gə maŋgje kara d’a ko̰ mu mbɔr mbal’g neelé el tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ləbije 16:16

Yee gə́ bèe ɓa yeḛ a ra ne né mba kɔr ne ndɔl kaiya dɔ kəi gə́ to gə kəmee’g gə mbata lə néraje gə́ mina̰ lə Israɛlje ləm, gə kaltaje lə deḛ lai gə́ deḛ ra ne kaiya ləm tɔ. Yeḛ a ra togə́bè mbata lə kəi-kubu-kiŋga-na̰ lə Israɛlje gə́ to mbuna dee’g dan néraje’g lə dee gə́ mina̰ lé tɔ.

Ləbije 16:18

Yeḛ a kunda loo teḛ gə mba kaw par gə́ loo-nékinjaməs gə́ to no̰ Njesigənea̰’g ɓa yeḛ a ra né mba kɔr ne ndɔl kaiya dɔ loo-nékinjaməs’g lé ɓəi ndá yeḛ a kun məs bɔ maŋg ləm, gə məs bàl bya̰ ləm tɔ mba rad dɔ kum loo-nékinjanéməsje gə́ ḭta lé gugu ne dəa sub.

Lugu 1:10

Kàr kaw tuu né gə́ ə̰də sululu mee kəi lé ndá dəw-bulaje lai d’wa dɔ na̰ raga d’isi ra tamaji lé tɔ.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

1 Timote 2:5

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé,

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.