Ləbije 16:16 - Maktub gə́ To gə Kəmee

¹⁶ Yee gə́ bèe ɓa yeḛ a ra ne né mba kɔr ne ndɔl kaiya dɔ kəi gə́ to gə kəmee’g gə mbata lə néraje gə́ mina̰ lə Israɛlje ləm, gə kaltaje lə deḛ lai gə́ deḛ ra ne kaiya ləm tɔ. Yeḛ a ra togə́bè mbata lə kəi-kubu-kiŋga-na̰ lə Israɛlje gə́ to mbuna dee’g dan néraje’g lə dee gə́ mina̰ lé tɔ.

Ləbije 16:16 Iomraidhean Croise

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Ləbije 16:17

Loo gə́ yeḛ a kandə mee kəi-kubu-kiŋga-na̰ gə́ to gə kəmee’g mba kuga dɔ kaiya mee kəi gə́ to gə kəmee’g lé dəw kára kara a kaar mee kəi-kubu-kiŋga-na̰’g lé el saar karee unda loo teḛ raga. Yeḛ a ra né mba kuga ne dɔ kaiya ləa-yeḛ ləm, gə ka̰ njémeekəije ləa ləma, gə ka̰ koso-dəwje gə́ Israɛl lai ləm tɔ.

Ləbije 16:18

Yeḛ a kunda loo teḛ gə mba kaw par gə́ loo-nékinjaməs gə́ to no̰ Njesigənea̰’g ɓa yeḛ a ra né mba kɔr ne ndɔl kaiya dɔ loo-nékinjaməs’g lé ɓəi ndá yeḛ a kun məs bɔ maŋg ləm, gə məs bàl bya̰ ləm tɔ mba rad dɔ kum loo-nékinjanéməsje gə́ ḭta lé gugu ne dəa sub.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Ləbije 8:15

Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Bula lə Israɛlje 17:11

tɔɓəi Moyis ula Aaro̰ pana: Un əb ləi, ɔm pər gə́ to dɔ loo-nékinjaməs’g keneŋ ləm, ɔm né gə́ ə̰də sululu dɔ’g ləm tɔ ndá aw ne kalaŋ rɔ koso-dəwje’g mba kuga ne dɔ kaiya ra dee, mbata oŋg lə Njesigənea̰ ḭ səa jugugu ndá yoo-koso un kudu koso mba̰ ya.

Bula lə Israɛlje 28:15

D’a kinja bàl bya̰ kára kar Njesigənea̰ gə́ nékinjaməs gə́ wɔji dɔ kuga dɔ kaiya korè ne dɔ nékinjaməs gə́ ka̰ roo gə́ d’inja ta-ta gə́ kédé-kédé ləm, gə nékai gə́ ka̰ tər naŋg lé ləm tɔ.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.