Ləbije 16:14 - Maktub gə́ To gə Kəmee

¹⁴ Yeḛ a kula ŋgaw jia dan məs bɔ maŋg’d lé ndá a sɔb loo gə́ to no̰ kidata sa̰duk kɔrgoota gə́ to loo meekoso lemsé’g par gə́ bər lé, yeḛ a sɔb məs neelé gɔl siri loo gə́ to no̰ kidata sa̰duk gə́ wɔji dɔ loo meekoso lemsé’g lé.

Ləbije 16:14 Iomraidhean Croise

Ləbije 16:19

Yeḛ a sɔb məs neelé gə ŋgaw jia gɔl siri dɔ loo-nékinjaməs’g lé, yeḛ a kɔr ne wonee ləm, a kundá ne gə kəmee ləm tɔ gə mbata lə néraje gə́ mina̰ lə Israɛlje lé.

Ləbije 4:17

yeḛ a kula ŋgaw jia dan məs’g ndá a saga məs neelé gɔl siri no̰ Njesigənea̰’g, no̰ pal-kubu gaŋg mee kəi’d gə́ to gə kəmee lé.

Ləbije 8:11

Yeḛ saga ubu neelé dɔ loo-nékinjaməs’g gɔl siri tɔɓəi yeḛ tər dɔ loo-nékinjaməs’g gə dɔ nékulaje lai gə́ wɔji dəa ləma, gə dɔ bai-togo-rɔ gə gelee na̰’d ləm tɔ unda dee ne gə kəmee.

Bula lə Israɛlje 19:4

Eləajar gə́ to njekinjanéməs lé a kula ŋgaw jia dan məs maŋg’d neelé ndá yeḛ a saga par gə́ no̰ kəi-kubu-kiŋga-na̰’g as gɔl siri.

Ǝbrəje 10:19

Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ.

Ǝbrəje 10:4

Mbata məs bɔ maŋgje əsé bàl bya̰je askəm kɔr kaiya meḛ dəwje’g el.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 9:13

Mbata ɓó lé məs bɔ maŋgje gə məs bàl bya̰je gə bu pər ko̰ maŋg gə́ roo ɓa saga dɔ njéwon-kaiyaje’g ɓəi ar dee tel to njémeendaje ləm, ar darɔ dee ɔr ne ɓə̰dərə-ɓə̰dərə ləm tɔ,

Ǝbrəje 9:21

Moyis lé saga məs togə́bè dɔ kəi-kubu-kiŋga-na̰’g ləm, gə dɔ nékulaje lai gə́ deḛ ra ne kula keneŋ ləm tɔ.

Ǝbrəje 9:25

Ŋgɔ-njekinjanéməs lé andə mee kəi gə́ to gə kəmee lé gə məs néje gə́ raŋg gɔl kára gə ləb kára-kára lé nɛ Kristi ɓa andə dara, ya̰ rəa ar Ala gɔl bula togə́bè el.

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.